Sunday 19th of November | २०७४ मङ्सिर ३ आइतबार

न्यूज अभियान
हरेक खबर विशेष खबर

बेलायतमा नेपाको पर्यटन प्रवद्र्धन

न्यूजअभियान | प्रकाशित मिति : २०७४ कार्तिक २६ आइतबार
newsabhiyan

काठमाडौँ, २६ कात्तिक (रासस) : बेलायतको लण्डनमा यही कात्तिक २२ देखि २४ गतेसम्म आयोजित ‘वल्ड ट्राभल मार्केट’ (डब्लुटिएम) मा नेपालले आफ्नो सहभागिता जनाएको छ ।

पर्यटन प्रवद्र्धन गर्ने महत्वपूर्ण मञ्चका रूपमा लिइने यो मेलाबाट नेपालका आकर्षक पर्यटकीय गन्तब्यबारे बुझ्न तथा नयाँ सूचना प्राप्त गर्न सान्दर्भिक भएको नेपाल पर्यटन बोर्डले जनाएको छ ।

हरेक वर्ष नोभेम्बर (कात्तिक) मा आयोजना हुने यो मेला विश्वको दोस्रो ठूलो पर्यटन मेला मानिन्छ । जर्मनीको बर्लिनमा मार्च (फागुन) मा प्रत्येक वर्ष आयोजना हुने ‘इन्टरनेश्नल ट्राभल टुरिजम बर्लिन’ (आइटिबी) मेला विश्वकै पहिलो पर्यटन मेला मानिन्छ ।

बोर्डको नेतृत्वमा २३ वटा निजी क्षेत्रका पर्यटन संस्थाको सहभागिता रहेको उक्त मेलामा संस्कृति, पर्यटन तथा नागरिक उड्डयन मन्त्रालयका सचिव महेश्वर न्यौपाने, बोर्डका प्रमुख कार्यकारी अधिकृत (सिइओ) दीपकराज जोशी सहभागी हुनुहुन्थ्यो ।

मेलाबाट व्यावसायिक सम्भावनाका नयाँ आयामबारे सम्पर्क र विस्तारलाई पुनर्ताजकी गर्ने अवसर मिलेको थियो ।

नेपाल प्रवद्र्धनका सामग्री राखिएको नेपाली स्टलमा बेलायत र आसपासका मुलुकबाट आएका पर्यटन व्यवसायी, टूर अप्रेटर, निजी कम्पनी तथा मिडियाका प्रतिनिधिले उत्सुक्तातापूर्वक अवलोकन गर्नुका साथै नेपालको अवस्था र विभिन्न पर्यटकीय गन्तब्यबारे जिज्ञासा राखेका थिए ।

मेलामा बेलायतका लागि नेपाली राजदूत दुर्गाबहादुर सुवेदी नेतृत्वको नेपाली राजदूतावासको टोलीले नेपाल स्टलको अवलोकन गरेको थियो ।

चर्चित मिडिया बिबिसी र मेला आयोजक डब्लुटिएममा बोर्डका सिइओ जोशीले नेपालको पर्यटकीय गन्तव्य र नयाँ सम्भावनाबारे चर्चा गर्नुभएको थियो ।

यसअघि लण्डनस्थित नेपाली राजदूतबासमा आयोजित ‘नेपाल नाइट’ कार्यक्रममा बेलायतका चर्चित टुर अप्रेटर तथा नेपाली व्यवसायीबीच अन्तक्र्रिया भएको थियो । विविध सांस्कृतिक प्रस्तुतिसमेत रहेको सो कार्यक्रममा बेलायतका लागि नेपाली राजदूत सुवेदीले दुई देशबीचको परम्परागत सांस्कृतिक सम्बन्धबारे चर्चा गर्दै बेलायतबाट नेपालको पर्यटनले लाभ लिनसक्नुपर्ने धारणा व्यक्त गर्नुभएकोे बोर्डले विज्ञप्तिमार्फत जनाएको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan