Friday 15th of December | २०७४ मङ्सिर २९ शुक्रबार

न्यूज अभियान
हरेक खबर विशेष खबर

आर्थिक समृद्धि र विकास लोकतान्त्रिक गठबन्धनको साझा अवधारणा : उपप्रधानमन्त्री थापा

न्यूजअभियान | प्रकाशित मिति : २०७४ मङ्सिर ७ बिहिबार
newsabhiyan

पोखरा, ७ मंसिर  ।राष्ट्रिय प्रजातन्त्र पार्टीका अध्यक्ष तथा उपप्रधान एवं ऊर्जा मन्त्री कमल थापाले मुलुकको आर्थिक समृद्धि र विकास लोकतान्त्रिक गठबन्धनको साझा अवधारणा भएको बताउनुभएको छ ।

राष्ट्रिय प्रजातन्त्र पार्टी कास्कीले आज पोखराको चिप्लेढुंगास्थित मानवअधिकार चोकमा आयोजना गरेको चुनावीसभामा उहाँले “प्रजातान्त्रिक मूल्यमान्यता, संविधान र आर्थिक विकासका मूल मुद्दामा नेपाली काँग्रेस र राप्रपा एक ठाउँमा रहेकाले सहकार्य र चुनावी तालमेल भएको हो,” भन्नुभयो ।

अध्यक्ष थापाले यो सहकार्य र गठबन्धन कुनै पार्टीविरुद्ध नभई प्रजातन्त्रको रक्षा, राष्ट्रिय एकता र अखण्डतालाई अक्षुण्ण राख्नका लागि भएको हो भन्दैे तालमेल भएका ठाउँमा दुवै पार्टीका मतदाताले एकअर्कालाई सघाउनुपर्नेमा जोड दिनुभयो ।

नेकपा (एमाले) र (माओवादी केन्द्र)को गठबन्धनप्रति राप्रपाको कुनै आपत्ति नरहेको उल्लेख गर्दै उहाँले गठबन्धनको उन्मादमा शीर्ष नेताले निर्वाचनपछि दुई तिहाइ आउने र राष्ट्रपतीय प्रणाली, अधिनायकवाद र देशमा कम्युनिष्ट शासन व्यवस्था स्थापना गर्नेजस्ता अभिव्यक्तिले नेपाली जनता शशांकित भएको छ भन्नुभयो ।

अध्यक्ष थापाले निर्वाचनमा मतदाता पार्टीगत स्वार्थभन्दा माथि उठेर स्वाभिमान र राष्ट्रवादी पक्षधर पार्टीका उम्मेदवारलाई जिताउनुपर्नेमा पनि जोड दिनुभयो ।

पार्टीका जिल्ला अध्यक्ष जयलाल पुनको अध्यक्षतामा भएको सो कार्यक्रममा केन्द्रीय उपाध्यक्ष दील विकास राजभण्डारी, सहमहामन्त्री हेमजंग गुरुङ, पूर्वमन्त्री तोरणबहादुर गुरुङ, गीता गुरुङ र जगत सुवेदीलगायतका वक्ताले मन्तव्य व्यक्त गर्नुभयो ।

यसअघि पोखराको नयाँबजारबाट निस्केको ¥याली महेन्द्रपुल हुँदै मानवअधिकार चोकमा पुगेर चुनावीसभामा परिणत भएको थियो । (रासस)


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan