Thursday 13th of December | २०७५ मङ्सिर २७ बिहिबार

न्यूज अभियान
हरेक खबर विशेष खबर

६९ वर्षीया आमाको मिर्गौलाबाट धनबहादुरले पाए पुनर्जीवन

न्यूजअभियान | प्रकाशित मिति : २०७४ चैत ६ मंगलबार | (रासस)
newsabhiyan

बेनी, म्याग्दी, ६ चैत ।  भनिन्छ नि ! आमा जगत् जननी हुन् । जसरी धर्तीले मानव जातिका लागि बोझ थामेकी हुन्छिन् । सन्तानका लागि आमाले त्यतिकै कष्ट उठाउँछिन् । नौ महिनासम्म अनेक दुःखकष्ट थिचोल्दै आफ्नो सन्तानलाई उनले जन्म मात्र दिन्नन आफ्नैमिर्गौला समेत दिन पछि पर्दिनन् ।

यस्तै एउटा उदारहण बन्नुभएको छ धौलागिरि गाउँपालिका–५मल्कवाङ भेडिखाल्टाकी भुलमती बुढाथोकी । तीन छोरा र एक छोरीकी आमा उहाँले माइला छोरा धनबहादुरको दुवै मिर्गौलाले काम गर्न छोडेपछि आफ्नो एउटा मिर्गौला दिएर उसलाई नयाँ जीवनसमेत दिनुभयो । उनानसत्तरी वर्षीया भुलमती मानव अंग प्रत्यारोपण केन्द्र भक्तपुरमा पुगेर मिर्गौला प्रत्यारोपण गरेपछि पछि प्रसन्न हुनुहुन्छ ।

“छोराले मृत्युसंग संघर्ष गरिरहेका बेलामा श्रीमतीले शक्ति दिइन् । दुवैजनाको हेरचाह गरिरहेको छु” धनबहादुरका पिता लिलबहादुरले भन्नुभयो । रोजगारको सिलसिलामा साउदी अरबमा पुग्नुभएका धनबहादुरको स्वास्थ्य परीक्षणमा दुवै मिर्गौलामा खराबी देखिएपछि एक महिना साउदीमै उपचार गरी घर फर्किनुभएको थियो । काठमाडौँका विभिन्न अस्पतालमा उपचारको क्रममा बुढाथोकीका लागि आमा, बुबा र दिदीले मिर्गौला दिन तयार भए पनि आमाको मिर्गौला मिल्ने भएपछि प्रक्रिया अगाडि बढेको थियो ।

आमाको मिर्गौलाले नयाँ जीवन पाएको बताउँदै धनबहादुरले बल्ल आमाको महत्व थाहा पाएको बताउनुभयो । “छोराछोरीका दुखःकष्ट सबै आमाबाटै सुल्झने रहेछ । उहाँले धेरै दुःख खेपेर मलाई दोस्रो जन्मदिनुभयो । आमा सर्वशक्तिमान हुनुहुन्छ” उहाँले भन्नुभयो ।

धनबहादुरको उपचारमा स्वदेश तथा विदेशमा रहेका मल्कवाङवासीको सक्रियतामा आर्थिक संकलन भएको थियो । करिब रु पाँच लाखभन्दा बढी सहयोग संकलन भएको आफन्तको भनाइ छ । अझै नियमित औषधिका लागि रकम अपुग भएको परिवारको गुनासो छ । कोठा भाडा, खाना, यातायात खर्च र नियमित औषधिका लागि परिवारले सहयोगको याचना गर्दै आएका छन् । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan