Thursday 19th of July | २०७५ श्रावण ३ बिहिबार

न्यूज अभियान
हरेक खबर विशेष खबर

ठमेल र बसपार्क क्षेत्रलाई जोड्न माग

न्यूजअभियान | प्रकाशित मिति : २०७४ चैत ३० शुक्रबार | (रासस)
newsabhiyan

काठमाडौँ, ३० चैत :  श्रम, रोजगार तथा सामाजिक सुरक्षामन्त्री गोकर्ण विष्टले नयाँ बसपार्क क्षेत्रमा रोजगारीका लागि व्यवस्थित बनाउनुपर्ने बताउनुभएको छ ।

‘प्रथम नयाँ बसपार्क सडक महोत्सव’को आज उद्घाटन गर्दै उहाँले नयाँ बसपार्कलाई सफा राखेर स्वदेशी तथा विदेशी पर्यटकलाई आकर्षण गर्नुपर्छ भन्नुभयो ।


नेकपा (माओवादी केन्द्र) का नेता हिमाल शर्माले बसपार्कलाई ‘स्मार्ट बसपार्क’ बनाउन गुरुयोजना निर्माण गरेर सरकारलाई बुझाइसकिएको बताउनुभयो । काठमाडौँ महानगरपालिका वडा नं २६ का वडाध्यक्ष ख्यामराज तिवारीले मुलुकको आर्थिक मेरुदण्डका रुपमा रहेको ठमेल क्षेत्र र बसपार्क क्षेत्रलाई एकआपसमा जोड्न सके मात्र बसपार्कलाई हेर्ने दृष्टिकोणमा परिवर्तन आउने बताउनुभयो । “ठमेलमा आउने पर्यटकलाई बसपार्क ल्याउन गरी बसपार्क क्षेत्रलाई राम्रो बनाउन जरुरी छ,”, उहाँले भन्नुभयो ।

नेपाल यातायात व्यवसायी राष्ट्रिय महासंघका महासचिव सरोज सिटौलाले राष्ट्रिय बसपार्कलाई नमूना बसपार्कका रुपमा चिनाउनका लागि महोत्सवले महत्वपूर्ण भूमिका खेल्ने बताउनुभयो । महोत्सवका संयोजक विष्णु पोखरेलले विसं २०७२ को भूकम्पले क्षति पुगेको नयाँ बसपार्क क्षेत्र सुरक्षित क्षेत्रका रुपमा रहेको सन्देश दिन महोत्सव आयोजना गरिएको बताउनुभयो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan