Sunday 18th of November | २०७५ मङ्सिर २ आइतबार

न्यूज अभियान
हरेक खबर विशेष खबर

वैदेशिक रोजगारमा जानेको पीडा

न्यूजअभियान | प्रकाशित मिति : २०७५ जेठ ११ शुक्रबार | (रासस)
newsabhiyan

काठमाडौँ, ११ जेठ  । गोरखाको भिमसेन गाउँपालिका–७ का ३५ वर्षीय कुमार रानामगर वैदेशिक रोजगारीका लागि २०७२ फागुनमा संयुक्त अरब इमिरेट्स जानुभयो । त्यहाँ गएको एक वर्ष नबित्दै उहाँ दुर्घटनामा पर्नुभयो ।

दुर्घटनाको जिम्मेवारी कम्पनीले लिएपछि रानामगर रिहा हुनुभयो । कम्पनीले अब कुनै पनि सजाय नहुने भनेपछि उहाँले ढुक्क भएर डेड वर्षसम्म सोही कम्पनीमा काम गर्नुभयो । अचानक सोही कम्पनीबाट रानामगरलाई हस्ताक्षर गर्नुपर्ने भन्दै अदालत पठाएको उहाँकी श्रीमती अम्बिकाले बताउनुभयो । उहाँ जेल पर्नुभयो ।

श्रीमान् जेल परेपछि परिवारको आयस्रोत गुमेको अम्बिकाले पीडा सुनाउनुभयो । “मलाई जसरी पनि जेलबाट निकाल्नु भन्ने खबर पठाउनुभएको छ,” अम्बिकाले भन्नुभयो । उहाँ अहिले चितवनमा डेरा गरेर बस्दैआउनुभएको छ ।

आर्थिक अवस्था कमजोर भएपछि उहाँकी छोरीले पढाइलाई निरन्तरता दिन सक्नुभएको छैन । श्रीमती अम्बिका श्रीमान्को रिहाइको लागि चितवनदेखि काठमाडौँसम्म नियमित धाउँदै आउनुभएको छ ।

विसं २०७३ असारमा मगरले काम गर्ने कम्पनीको गाडीलाई रोकेर राखेकै अवस्थामा त्यहाँकै स्थानीयवासीको मोटरसाइकलले ठक्कर दिएको थियो । शुरुमा मिलापत्र भए पनि दुर्घटना भएको एक वर्षपछि मोटरसाइकल धनीले अदालतमा दुर्घटनाबापतको क्षतिपूर्ति पाउँ भनी निवेदन दिएपछि समस्या भएको हो । घाइते भएका स्थानीयवासीले मगरबाट रु ५० हजार रियाल क्षतिपूर्ति माग गरेका छन् ।

रकम जुटाउनकै लागि अम्बिका अहिले मन्त्रालय तथा विभिन्न ठाउँमा आठ महिनादेखि धाइरहनुभएको छ । उक्त रकम नजुटाए रानामगरलाई जन्मकैदको सजाय हुनसक्ने बताइएको छ ।

कन्सुलर सेवा विभागको तथ्यांक अनुसार २०७५ वैशाखसम्म युएईमा १८५, मलेसियामा १७१, कुवेतमा ७० र कतारमा ४५ जना नेपालीले जेल जीवन बिताउँदैआएका छन् । विसं २०७४ मा बहराइनमा ११, ओमानमा दुई, कोरियामा दुई र इजराइलमा दुई गरी कूल पाँच सय ६१ नेपालीले जेल जीवन बिताइरहेका छन् ।

“हामीले गम्भिर प्रकृतिका तथ्यांक मात्र राख्ने गरेका छौँ,” विभागका प्रशासकीय प्रमुख गेहेन्द्र राजभण्डारीले भन्नुभयो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan