Sunday 24th of June | २०७५ असार १० आइतबार

न्यूज अभियान
हरेक खबर विशेष खबर

पत्रकार अर्यालको निधन

न्यूजअभियान | प्रकाशित मिति : २०७५ जेठ ३० बुधबार | (रासस)
newsabhiyan

चितवन, ३० जेठ । राष्ट्रिय समाचार समितिका पूर्वकर्मचारी धर्मराज अर्यालको आज यहाँ ६३ वर्षका उमेरमा निधन भएको छ ।

श्वासप्रश्वास समस्याबाट ग्रस्त उहाँ दुई दिनअघि चितवन मेडिकल कलेजमा उपचारपछि घरफर्किनु भएको थियो । भरतपुर महानगरपालिका–१० स्थित आफ्नै निवासमा बिहान ११ः३० बजे उहाँको निधन भएको हो । विसं २०१२ मंसिर २७ गते चितवन, कोराकमा जन्मनुभएका अर्या पत्रकारिता विषयमा स्नातक हुनुहुन्थ्यो ।

उहाँले १५ वर्षसम्म राष्ट्रिय समाचार समितिमा पत्रकारका रुपमा रहेर काम गर्नुभएको थियो । क्षेत्रीय कार्यालय पोखरा, बुटवल लगायत क्षेत्रमा रहेर उहाँले राससमा सेवा गर्नुभएको थियो ।

उहाँले राससमा रहँदा फ्रान्सस्थित एएफपीमा दुईमहिने तालीमसमेत लिनुभएको थियो । यसका अतिरिक्त पत्रकारितासम्बन्धी विभिन्न तालीममा सहभागी हुनुभएको थियो । उहाँले चितवन जिल्लामा २०५४ साल पुस ९ गतेदेखि ‘चितवन पोष्ट’ साप्ताहिक चलाई २०५६ साल साउन १ गतेदेखि दैनिकको सम्पादक प्रकाशक रहनुभएका अर्याल निरन्तर पत्रकारितामा क्रियाशील हुनुहुन्थ्यो ।

उहाँ साहित्यिक क्षेत्रमा पनि क्रियाशील हुनुहुन्थ्यो । उहाँका चार कविता संग्रह प्रकाशित छन् । उहाँका कान्छा छोरा भाष्करका अनुसार उहाँले निरन्तर ४० वर्ष पत्रकारिता गर्नुभएको छ । अर्यालका दुई छोरा र श्रीमती हुनुहुन्छ । उहाँको आजै देवघाटमा अन्त्येष्टि गरिँदैछ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan