Friday 21st of September | २०७५ असोज ५ शुक्रबार

न्यूज अभियान
हरेक खबर विशेष खबर

आङ्दिममा होमस्टे सञ्चालनको पहल

न्यूजअभियान | प्रकाशित मिति : २०७५ असार २५ सोमबार | (रासस)
newsabhiyan

तेह्रथुम, २५ असार । छथर गाउँपालिकामा पर्यटन प्रवद्र्धन गर्ने उद्देश्यले आङ्दिमको डङ्डङेस्थित शेर्पा बस्तीमा होमस्टे (घरवास) कार्यक्रम सञ्चालन हुने भएको छ ।

शेर्पा समुदायको बाहुल्यता रहेको डङ्डङे टोलमा होमस्टेको व्यावसायिक प्रवद्र्धन गर्न गाउँपालिकाले पहल थालेको हो ।

गाउँपालिकाले उक्त बस्तीका बासिन्दालाई होमस्टे निर्माण र सञ्चालनसम्बन्धी तालीमसमेत प्रदान गरेको छ । गाउँपालिकाको पर्यटन विकासका लागि विशेष कार्ययोजना बनाएर पहिलो चरणमा तालीम सञ्चालन गरी होमस्टे चलाउन टोलवासीलाई प्रोत्साहन गरेको गाउँपालिकाका अध्यक्ष सन्तवीर लिम्बूले बताउनुभयो ।

“ग्रामीण पर्यटनको सम्भावनाको खोजी गर्ने प्रयत्न गरिएको छ,” उहाँले भन्नुभयो, “यहाँको कला, संस्कृति र वेशभूषा नै पर्यटन प्रवद्र्धनको मुख्य आधार हुन् ।” शेर्पा टोललाई होमस्टेका रुपमा विकास गर्न यस वर्ष रु एक लाख ५० हजार खर्च गरिएको सो गाउँका अगुवा लाक्पाछुती शेर्पाले बताउनुभयो ।

गाउँपालिकाले स्थानीयवासीलाई तीनदिने होमस्टे सञ्चालनसम्बन्धी तालीम दिएको हो । सो तालीममा गाउँका २७ महिला र पुरुषले सहभागिता जनाएका सो गाउँपालिकाका प्रवक्ता राजन नेपालीले बताउनुभयो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan