Tuesday 11th of December | २०७५ मङ्सिर २५ मंगलबार

न्यूज अभियान
हरेक खबर विशेष खबर

सरकारले देशलाई विधिको शासनमा हिँडाउन खोजेको छः प्रधानमन्त्री ओली

न्यूजअभियान | प्रकाशित मिति : २०७५ श्रावण १ मंगलबार |
newsabhiyan

काठमाडौँ, १ साउन (रासस) : प्रधानमन्त्री केपी शर्मा ओलीले सरकारले देशलाई विधिको शासनमा हिँडाउन खोजेको बताउनुभएको छ ।

नेपाल कम्युनिष्ट पार्टी केन्द्रीय कार्यालय धूम्रबाराहीमा पार्टीका नेता, कार्यकर्ता र सर्वसाधरणसँगको भेटघाटमा उहाँले भन्नुभयो, “देशलाई कानून र विधिको शासनमा हिँडाउने प्रयत्न सरकारको छ ।”

“संविधान, नियम, कानून र विधिअनुसार सरकारले काम गर्छ, जसले जे माग राख्यो त्यो पूरा गर्ने, कसैले थर्काउदा थर्किने वा दबाबमा परेर निर्णय हुँदैन,” प्रधानमन्त्री ओलीले भन्नुभयो, “वर्तमान सरकारले देशलाई सही बाटोमा हिँडाइ सुशासन ल्याउन प्रतिबद्ध रहेको र त्यसबाट आफू बिचलित हुने छैन् ।

उहाँले जनताले सरकारलाई सुम्पिएको अभिभारा पूरा गर्नेमा कुनै सन्देह नभएको उल्लेख गर्दै सरकारले जनताका आकांक्षा पूरा गर्छ भन्ने बुझेका विरोधी, सामाजिक न्याय हुन नदिनेले सरकारका विरुद्ध अफवाह फैलाएका छन्, पार्टीका नेता कार्यकर्ता र सर्वसाधरणले यस्ता कुराको प्रतिवाद गर्नुपर्दछ भन्नुभयो ।

प्रधानमन्त्री ओलीले दुई÷चार महिनामै समृद्धि हासिल गर्न नसकिने भएकोले धैर्य गर्न आग्रह गर्दै “चुनावभन्दा अघिका सरकारले देशमा जथाभावी गरेकाले त्यसलाई सही ठाउँमा ल्याउन पनि समय लागेको छ, निर्वाचन आचारसंहिता लागेपछि जथाभावी नियुक्ति, निर्वाचन परिणाम आएको तीन÷महिनासम्म सत्ता हस्तान्तरण नगरेर काँग्रेसले विधि विधान विपरीत कार्य ग¥यो भन्नुभयो ।”

मागपत्र पेश
पार्टी कार्यालयमा प्रधानमन्त्री ओलीलाई विभिन्न संघ संस्थाले मागपत्र बुझाएका छन् ।

एयर बंगालको विमान दुर्घटनामा मृत्यु भएका परिवारका आफन्त, पूर्वजनमुक्ति सेना, द्वन्द्वपीडित सुरक्षाकर्मीका परिवार, सामाजिक परिचालक संघ, मुस्कान सेना, जिफन्टलगायत संघसंस्थाले प्रधानमन्त्रीलाई माग पत्र बुझाएका हुन् ।

पार्टी कार्यकर्ता र सर्वसारधणसँग भेटघाट गर्न प्रधानमन्त्री ओली महिनाको पहिलो दिन पार्टी केन्द्रीय कार्यालय धुम्बाराही र १५ गते पार्टी केन्द्रीय कार्यालय पेरिसडाँडा जाने कार्यक्रम छ । यस्तो भेटघाटको आज पहिलो दिन हो ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan