Sunday 23rd of September | २०७५ असोज ७ आइतबार

न्यूज अभियान
हरेक खबर विशेष खबर

म सम्पादक, मिडियाका मालिकहरुलाई भन्छु,' हाम्रो टेबुलमा आउनुपर्यो ’

न्यूजअभियान | प्रकाशित मिति : २०७५ भदौ २१ बिहिबार |
newsabhiyan
newsabhiyan

काठमाडौं, २१ भदौ । उद्योग, वाणिज्य तथा आपुर्तिमन्त्री मातृकाप्रसाद यादवले न्यूजनमा भ्युज घुसाएर समाचार बनाउने पत्रकारहरु अपराधी भएको कडा आरोप लगाएका छन् ।


बिहीबार काठमाडौंको आर्थिक पत्रकार समाज (सेजन) ले बाईल्याटरल ईन्भष्टमेन्ट एग्रिमेन्टबारे आयोजना गरेको राउण्ड टेबल डिस्कशनमा बोल्दै मन्त्री यादवले यस्तो बताएका हुन् ।

पत्रकारले विदेशी लगानीकर्तालाई भगाउनको लागि हो कि वा मन्त्रीलाई सुधार गर्नको लागि समाचार लेखेको भन्दै यादवले प्रश्न समेत गरे ।

उनले भने,‘यदि मन्त्रीले गल्ती गरेको छ । सरकारले गल्ती गरेको छ भने आउनुहोस् न टेबुलमा छलफल गरौं न । लेख्न, बाहिर फेशबुकमा हाल्न सजिलो छ । तर, सही के हो भन्नेबारे छलफल गर्न त आँट गर्नु त पर्यो नि । म सम्पादक, मिडियाका मालिकहरुलाई भन्छु, हाम्रो मन्त्रालयमा केही छलफल गर्नुपर्यो भने हाम्रो टेबुलमा आउनुपर्यो ।’

आफूहरुसँगको छलफलमा केही चित्त नबुझे अनि समाचार बनाउँदा हुने उनको तर्क छ । उनले थपे,‘तर, त्यहाँ कानून नै लाग्दैन् । हाम्रो विरुद्धमा यत्रो ठूलोमा लेख्छ, अनि हामीले खण्डन गर्यो भने यत्रो सानो बनाएर हालिदिन्छ।’

मिडियाले न्यूजमा भ्यूज घुसाउनु भनेको अपराध भएको उनको भनाई छ । उनले थपे,‘यदि कसैले न्युजमा भ्यूज घुसाउँछ भने त्यो पत्रकारिताभित्रको ठूलो अपराध हो । त्यसैले जे छ त्यसबारे तथ्य राख्नुपर्यो ।’


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan