Tuesday 16th of October | २०७५ असोज ३० मंगलबार

न्यूज अभियान
हरेक खबर विशेष खबर

चम्पुजा डाँडा पर्यटकीय गन्तव्य बन्दै

न्यूजअभियान | प्रकाशित मिति : २०७५ असोज ३ बुधबार | (रासस)
newsabhiyan

दोलखा, ३ असोज । भीमेश्वर नगरपालिका–४ दुंगलस्थित चम्पुजा डाँडा पर्यटकीय गन्तव्य बन्दै गएको छ ।

पछिल्लो समय चम्पुजा डाँडामा आन्तरिक तथा बाह्य पर्यटकको आकर्षण बढ्दै गएको छ । यहाँबाट गौरीशङ्कर हिमालका साथै तामाकोशी नदीको दृश्यावलोकन गर्न सकिन्छ ।

जिरी, हनुमन्ते डाँडा, मैनापोखरी, मार्वु र जुगु क्षेत्रको अवलोकन गर्नसमेत यहाँ पर्यटक आउने गरेका छन् । नेवार बस्तीभन्दा माथि रहेको मञ्जुश्रीको मन्दिर, कालीञ्चोक भगवती, हिउँले ढाँकेको उच्च पहाडी हिमशृङ्खलाका मनमोहक दृश्य चम्पुजा डाँडाबाट सहजै हेर्न सकिने स्थानीवासी हरि श्रेष्ठ बताउनुहुन्छ ।

जिल्लामा आउने आन्तरिक पर्यटक अधिकांश दोलखा भीमेश्वर मन्दीर तथा कालीञ्चोक भगवतीको दर्शन गर्न आउने गरेका छन् । उनीहरु चम्पुजा डाँडा अनिवार्य पुग्ने गरेका छन् । यहाँ भीमेश्वर नगरपालिकाको आर्थिक सहयोग तथा भीमेश्वर नगरपालिका–४ का बासिन्दाको विशेष पहलमा चम्पुजा उद्यान निर्माण गरिएको छ ।

“चम्पुजा उद्यान दोलखा बजारकै आकर्षणको केन्द्र बनेको छ,” स्थानीय पर्यटन व्ययसायी लाक्पा शेर्पाले भन्नुभयो । उद्यानकै कारण चम्पुजा डाँडा यहाँको प्रमुख पर्यटकीय गन्तव्य बन्दै गएको उहाँको भनाइ छ । भीमेश्वरको दर्शनपछि पर्यटक यहाँका मनोरम दृश्य अवलोकन गर्न चम्पुजा डाँडा पुग्ने गरेका छन् ।

विश्वकै अग्लो हिमशिखर सगरमाथा हिमालको प्रवेशद्वार जिरीको आफ्नै मौलिक एवं पर्यटकीय महत्व छ । विश्वप्रसिद्ध च्छोरोल्पा हिमताल, रोल्वालिङ क्षेत्र, लामाबगर, बीगु गुम्बा, हिम आरोहीको बासस्थल बेदिङ गाउँ, शैलुङ्गेश्वर, देउलाङ्गेश्वर महादेव, जटापोखरीलगायत पर्यटकीय गन्तव्य हुन् । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan