Sunday 21st of October | २०७५ कार्तिक ४ आइतबार

न्यूज अभियान
हरेक खबर विशेष खबर

युवा स्वरोजगार तालीम शुरु

न्यूजअभियान | प्रकाशित मिति : २०७५ असोज ४ बिहिबार |
newsabhiyan

बुटवल, ४ असोज (रासस) : बुटवल उपमहानगरपालिकले युवालाई लक्षित गरेर युवा स्वरोजगार तालीम शुरु गरेको छ । 


‘मेयर युवा इलम’ नामक उक्त कार्यक्रमअन्तर्गत पहिलो चरणमा बुटवलका १९ वडाका ३६५ युवालाई स्वरोजगारमूलक सीप सिकाइनेछ । 

सीप सिकेका युवालाई दक्षताका आधारमा रोजगारदाताको सहकार्यमा रोजगारीसमेत दिने गरी यस्तो तालीम शुरु गरिएको बुटवल उपमहानगरपालिका प्रमुख शिवराज सुवेदीले जानकारी दिनुभयो । 

उक्त तालीमको आज शुभारम्भ गर्दै उहाँले प्राथमिकताका साथ ल्याइएको युवा स्वरोजगार कार्यक्रम यस क्षेत्रको नमूना कार्यक्रम मानिएको बताउनुभयो । 

प्रमुख सुवेदीले युवालाई सक्षम बनाए मात्रै समृद्ध बुटवलको अभियान पूरा हुनेछ भन्नुभयो । 

सो अभियानमा यस क्षेत्रका रोजगारदाता र प्राविधिक शिक्षा केन्द्रले उपमहानगरपालिकासँग सहकार्य गरेको छ । तालीम लिन इच्छुकको विषय छानेर तिनै तालीम प्रदायक कहाँ पठाइनेछ । 

सो अवसरमा उपप्रमुख गुमादेवी आचार्यले समृद्ध, सभ्य र समावेशी बुटवल निर्माणका चरणमा रहेकाले यो तालीम उपयोगी हुने विश्वास व्यक्त गर्नुभयो । 

युवालाई हेभी हाइड्रोलिक सिस्टम (स्काभेटर, डोजर, ग्रेडर, रोलर, भाइब्रेटर) का उपकरणको मर्मत गर्नेबारेसमेत तालीम दिइने छ । यो कामका लागि पहिलो चरणमा २५ जना युवा छनोट भएका छन् । उनीहरुले यो चरणमा उजिरसिंह नगरको अटो भिलेजमा तीन महिने तालीम लिइनेछ । 

यस्तै अटो मेकानिक्सको आधारभूत तालीमका लागि २० युवा छनोट भएका छन् । जनरल मेकानिक्समा २२, विल्डिङ सोलार इलेक्ट्रिकल तालीमका लागि ३५, होटल म्यानेजमेन्टअन्तर्गतको कुक तालीमका लागि ८३, एसी, रेफ्रिजरेटर मर्मतका लागि ५४, पलम्बिङका लागि २० र फेशन डिजाइनरका लागि १०७ जना यो चरणमा छनोट भएका छन् । 

विभिन्न विषयमा समूह छुट्याएर तालीम दिन लागिएको बुटवलका सामाजिक शाखा प्रमुख भुवाप्रसाद लुइँटेलले बताउनुभयो । हेवी मेसिन मर्मत देखि फेसन डिजाइनसम्मका कामबारे विशेष तालीम दिइने अधिकृत दामोदर ज्ञवालीले बताउनुभयो । 

 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan