Monday 22nd of October | २०७५ कार्तिक ५ सोमबार

न्यूज अभियान
हरेक खबर विशेष खबर

प्रदेशसभाका विभिन्न समितिका सभापतिको निर्वाचन

न्यूजअभियान | प्रकाशित मिति : २०७५ असोज २२ सोमबार | (रासस)
newsabhiyan

धनगढी, २२ असोज : प्रदेशसभा गठन भएको झण्डै आठ महीनापछि सुदूरपश्चिम प्रदेशको प्रदेशसभामा रहेका विषयगत समितिका सभापतिको निर्वाचन आज निर्विरोध रुपमा सम्पन्न भएको छ । आज बसेको प्रदेशसभाको बैठकमा सभामुख अर्जुनबहादुर थापाले प्रदेशसभाका विषयगत समितिका सभापति निर्विरोध निर्वाचित हुनुभएको जानकारी गराउनुभयो ।

विधायन तथा प्रदेश मामिला समितिको सभापतिमा, सत्ता पक्ष नेपाल कम्न्युनिष्ट पार्टी (नेकपा)का नेपालु चौधरी, सामाजिक विकास समितिको सभापतिमा कुन्ती जोशी, अर्थ विकास तथा प्राकृतिक स्रोत समितिमा हर्कबहादुर कँुवर र सार्वजनिक लेखा समितिको सभापतिमा प्रतिपक्ष नेपाली काङ्ग्रेसका कुमारीनन्दा बम निर्वाचित हुनुभएको छ । समितिका नवनिर्वाचित सभापतिहरुले आजै एक समारोहबीच शपथ लिनुभएको छ ।

बैठकले सदस्य कृष्णराज सुवेदी प्रस्तावक र अमरबहादुर साउद समर्थक भई सचिवालयमा दर्ता गरिएको प्रदेशसभा नियमावली २०७४ संशोधन मस्यौदा समिति गठन गरियोस् भन्ने प्रस्तावलाई स्वीकृत गरेको छ । मस्यौदा समितिको संयोजकमा कृष्णराज सुवेदी र सदस्यमा, माया तामाङ बोहरा, मानबहादुर सुनार, गोविन्दराज बोहरा र कृष्णबहादुर चौधरी हुनुहुन्छ ।

बैठकमा संशोधन प्रस्तावका प्रस्तावक सुवेदीले प्रदेशसभा नियमावली २०७४ का केही दफा संशोधन गर्नुपर्ने भएकाले संशोधन प्रस्ताव ल्याउनु परेको बताउनुभयो । प्रदेशसभाको अर्को बैठक मङ्गलबार दिउँसो १ बजे बस्नेछ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan