Monday 22nd of October | २०७५ कार्तिक ५ सोमबार

न्यूज अभियान
हरेक खबर विशेष खबर

स्थानीय तहमा नेकपाको पार्टी संयन्त्र

न्यूजअभियान | प्रकाशित मिति : २०७५ असोज २६ शुक्रबार | (रासस)
newsabhiyan

दमौली, २६ असोज । नेपाल कम्युनिष्ट पार्टी (नेकपा) ले तनहुँका सबै स्थानीय तहमा पार्टी संयन्त्र गठन गरेको छ ।

पार्टीका गण्डकी प्रदेश इञ्चार्ज पृथ्वीसुब्बा गुरुङ, सहइञ्चार्ज खगराज अधिकारी, प्रदेश कमिटीका अध्यक्ष हितराज पाण्डे र सचिव गोविन्द नेपालीको उपस्थितिमा सम्पन्न नेकपा जिल्ला संयन्त्र तनहुँको बैठकले १० वटै स्थानीय तहमा संयन्त्र गठन गरेको हो ।

पार्टीले व्यास नगरपालिकामा श्रीराम कार्की, अतिन्द्रकेशरी न्यौपाने, मनुमाया श्रेष्ठ, सिर्जना सिग्देल, कृष्ण न्यौपाने, धनबहादुर पुन, मङ्गल श्रेष्ठ, रामचन्द्र सापकोटा, भानु नगरपालिकामा प्रेम राना, गीता शाही, ओमकुमारी पौडेल, शान्ता ढकाल, श्यामकुमार श्रेष्ठ, सीताराम अधिकारी, दलनारायण श्रेष्ठ, दीपक पन्त, शुक्लागण्डकी नगरपालिकामा देवलाल खनाल, खुमबहादुर विक, सविता रसाइली, मुक्ति सिग्देल, थमन आले, दिनेश गौतम, बलराम घिमिरे र सर्वदा खनाल रहेको संयन्त्र गठन गरेको छ ।

भिमाद नगरपालिकामा धर्म खनाल, रामबहादुर थापा, मेखबहादुर थापा, अमृत सिग्देल, कृष्ण भण्डारी, कृष्णलाल विक, धु्रव खनाल, तुलसी लम्साल, आँबुखैरेनी गाउँपालिकामा ऋषि केसी, सूर्य गौली, मीना अधिकारी, शुक्र चुमान, बेलबहादुर गुरुङ, प्रेम गुरुङ, बन्दीपुर गाउँपालिकामा इन्द्रबहादुर कुँवर, हेमराज लामिछाने, जीवन कायस्थ, विद्या क्षेत्री, सुरेन्द्र थापा, छविलाल थापा, म्याग्दे गाउँपालिकामा रत्नादेवी घिमिरे, इन्द्रबहादुर अधिकारी, प्रभा श्रेष्ठ, शम्भु अधिकारी, सोम आले, दिलबहादुर नेपाली, देवघाट गाउँपालिकामा बाबुराम अधिकारी, भीम राना, शेरबहादुर मल्ल, भुवन गुरुङ, भीम गुरुङ, होमबहादुर गुरुङ, रिसिङ गाउँपालिकामा गञ्जसिं गुरुङ, मदन आले, प्रेम रानाभाट, गीरबहादुर थापा, युवराज विक, गोमबहादुर राना र घिरिङ गाउँपालिकामा होमबहादुर थापा, बलबहादुर थापा, डि सिग्देल र चुननारायण श्रेष्ठ रहेको संयन्त्र गठन भएको छ ।

संयन्त्रले नियमित बैठक बस्ने, कार्यालय स्थापना गर्ने, पार्टी सदस्यता र चलअचल सम्पत्तिको एकीकृत गर्ने, वडास्तरका संयन्त्र गठन गर्ने र तिनका भेला, बैठक र प्रशिक्षण कार्यक्रम तोक्ने, चाडपर्वको अवसरमा शुभकामना आदानप्रदान गर्ने जिम्मेवारी पाएको पार्टीका केन्द्रीय सदस्य एवं जिल्ला संयन्त्र तनहुँका सदस्य प्रतापलाल श्रेष्ठले जानकारी दिनुभयो ।

गत जेठ ३ गते तत्कालीन नेकपा (एमाले) र नेकपा (माओवादी केन्द्र) को एकतापछि जिल्लागत एकीकरण शुरु भएको हो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan