Monday 22nd of October | २०७५ कार्तिक ५ सोमबार

न्यूज अभियान
हरेक खबर विशेष खबर

भ्रष्टाचार र अनियमितता विकासको बाधक

न्यूजअभियान | प्रकाशित मिति : २०७५ असोज २६ शुक्रबार | rss
newsabhiyan

दमौली, २६ असोज : गण्डकी प्रदेशका मुख्यमन्त्री पृथ्वीसुब्बा गुरुङले भ्रष्टाचार र अनियमितताले मुलुकको विकास हुन नसकेको बताउनुभएको छ ।

जिल्ला समन्वय समिति तनहुँले आज बन्दीपुर गाउँपालिका–५ मा आयोजना गरेको जिल्लास्तरीय वार्षिक समीक्षा गोष्ठीको उद्घाटन गर्दै उहाँले भ्रष्टाचार र अनियमितता मौलाउँदा मुलुकको विकास सोचे जस्तो हुन सकेको छ्रैन् भन्नुभयो ।

मुख्यमन्त्री गुरुङले दुई वर्षे योजना बाह्र÷तेह्र वर्षसम्म पनि सम्पन्न हुन नसक्नु र विनियोजित बजेटको सही सदुपयोग हुन नसक्नु जस्ता कारणले मुलुकको विकास पछाडि परेको उल्लेख गर्दै “सडक खन्नका लागि मात्रै बजेट विनियोजन गर्ने होइन, पिछडिएका जनताको आर्थिकस्तर उकास्ने कार्यक्रममा समेत बजेट खर्च गर्नुपर्छ”, भन्नुभयो ।

प्रदेश र स्थानीय तहलाई सङ्घीय सरकारले अधिकार कम दिएको गुनासो गर्दै उहाँले आफूले प्रदेश र स्थानीय तहलाई बलियो बनाउनुपर्छ भनेर आवाज उठाइरहेको बताउनुभयो । “बेलाबेलामा प्रधानमन्त्रीलाई यस विषयमा भन्ने गरेको छु, तर कतिपयलाई आफ्नै पार्टीका प्रधानमन्त्रीसँग किन झगडा गरेको भन्ने लागिरहेको छ”, उहाँले भन्नुभयो, “त्यो झगडा होइन अधिकार मागेको हो ।”

मुख्यमन्त्री गुरुङले राजश्व उठाउने अधिकार नहुँदा प्रदेश र स्थानीय सरकार कमजोर भएको बताउँदै यसबारेमा सङ्घीय सरकारले बेलैमा सोच्नुपर्ने धारणा व्यक्त गर्नुभयो ।

प्रतिनिधिसभा सदस्य केदार सिग्देलले स्थानीय तहमा बजेट कम भएको गुनासो गर्नुभन्दा पनि बजेटको सही सदुपयोग गर्नुपर्नेमा जोड दिनुभयो । प्रतिनिधिसभा सदस्य कृष्णकुमार श्रेष्ठले तनहुँलाई समृद्ध बनाउन सबै राजनीतिक दलबीच सहकार्य र एकता आवश्यक रहेको बताउनुभयो ।

राष्ट्रियसभा सदस्य प्रकाश पन्थले जनप्रतिनिधिले निरासाजनकभन्दा पनि आशावादी भएर जनतामुखी काम गर्नुपर्ने धारणा व्यक्त गर्नुभयो ।

गण्डकी प्रदेशका आन्तरिक मामिला तथा कानूनमन्त्री हरिबहादुर चुमान, प्रदेशसभा सदस्य आशा कोइराला, रामबहादुर गुरुङ, डोवाटे विक, सरिता गुरुङ, प्रमुख जिल्ला अधिकारी भरतकुमार शर्मा, भानु नगरपालिकाका प्रमुख उदयराज गौली, बन्दीपुर गाउँपालिकाका उपाध्यक्ष करुणा गुरुङलगायतले मुलुकको विकास र समृद्धिका लागि सङ्घ, प्रदेश र स्थानीय सरकारबीच समन्वय र सहकार्य हुनुपर्ने आवश्यकता औल्याउँनुभयो ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan