Monday 22nd of October | २०७५ कार्तिक ५ सोमबार

न्यूज अभियान
हरेक खबर विशेष खबर

कवितामा भोजपुर

न्यूजअभियान | प्रकाशित मिति : २०७५ असोज २६ शुक्रबार |
newsabhiyan

काठमाडौँ, २६ असोज : साहित्य सिर्जनामा अब्बल मानिने भोजपुरका कविले आज एकै थलोबाट भोजपुरलाई कविताको भावमा सम्झिए ।

जिल्लाबाट प्रतिनिधित्व गर्ने चर्चित साहित्यकार एवं कविले आआफ्नो कवितामार्फत जिल्लाका विकास निर्माण, सामाजिक भोगाइ तथा सांस्कृतिक रहनसहनलाई कविताको भावमा पोखे ।राष्ट्रपतिदेखि राज्यका उच्च ओहदा तथा प्रतिष्ठित व्यक्तिलाई जन्म दिएको भोजपुरले साहित्य, शिक्षा, सामाजिक क्षेत्र र राजनीतिक परिवर्तनमा उत्तिकै महत्वपूर्ण भूमिका खेलेको छ ।
दशैँतिहार, छठ आदि पर्वका सन्दर्भमा भोजपुरे सेवा समाजले आयोजना गरेको ‘भोजपुर कविता उत्सव’ मा मञ्जुल, श्याम तमोट, बुलु मुकारुङ, श्रवण मुकारुङ, कृष्ण जोशी, शङ्कर कोइराला, पवन आलोक, डा विप्लव ढकाल, देवी घिमिरे, गणेश राईलगायतले जिल्लाका आर्थिक, सामाजिक तथा राजनीतिक विषयमा केन्द्रित कविता प्रस्तुत गर्नुभएको थियो ।

नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले नेपाली, कला, संस्कृतिका साथै राजनीतिक तथा सामाजिक परिवर्तनमा भोजपुरले राष्ट्रलाई ठूलो गुन लगाएको उल्लेख गर्दै वाचित कविताले भोजपुरको गरिमा र गौरवको गाथालाई उजागर गर्नाका साथै सबै पुस्ताका व्यक्तिलाई सिर्जना र समृद्धिको दिशामा अभिप्रेरित गर्न मद्दत पुग्ने विश्वास व्यक्त गर्नुभयो ।

“सिर्जनालाई विकास र समृद्धिको यात्रामा जोडेर बहुलताभित्रको एकतालाई मजबुत बनाएर अघि बढ्नुपर्छ”, उहाँले भन्नुभयो । पूर्व सांसदद्वय जयन्ती राई र घनेन्द्र बस्नेतले कविताको भावलाई नेतृत्वकर्ताले मनन गरेर समृद्धिको अभियानमा एक जुट हुनुपर्नेमा जोड दिनुभयो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan