Friday 16th of November | २०७५ कार्तिक ३० शुक्रबार

न्यूज अभियान
हरेक खबर विशेष खबर

कार्यालय सहयोगीका भरमा भन्सार कार्यालय

न्यूजअभियान | प्रकाशित मिति : २०७५ असोज २९ सोमबार | (रासस)
newsabhiyan

राजेन्द्रप्रसाद पनेरु, कञ्चनपुर, २९ असोज : कञ्चनपुर बेलौरी नगरपालिकास्थित छोटी भन्सार कार्यालय सहयोगीको भरमा सञ्चालन हुँदै आएको छ ।

दुईजना कार्यालय सहयोगीले लामो समयदेखि भन्सार कार्यालयको राजश्व सङ्कलनको कार्य गर्दै आएका छन् । उक्त कार्यालयमा नायब सुब्बाको दरबन्दी रहेको छ ।

सो कार्यालयका नायब सुब्बा कैलाली भन्सार कार्यालयमा कार्यरत छन् । दरबन्दीका कर्मचारी नबस्ने भएपछि न्यून राजश्व सङ्कलन हुने गरेको छ । सो भन्सार कार्यालयको बाटो हँुदै भारतबाट सामान ल्याउनेको लर्को देखिने गरेपनि कर्मचारीको अभावमा थोरैले मात्र राजश्व तिर्ने गरेका छन् ।

घरायसी सामान भन्दै भन्सार कार्यालयमा तैनाथ सशस्त्र प्रहरीले वास्ता गर्दैनन् । भन्सार कार्यालयका कार्यालय सहयोगीले राजश्व तिराए धम्की आउने भएकाले उनीहरुले समेत सामान रोकेर राजश्व तिराउने हिम्मत गर्दैनन् । कार्यालयमा भरपर्दो सुरक्षा व्यवस्था छैन् ।

कार्यालय सहयोगी बलबहादुर धामीले भन्नुभयो, “अहिले राजश्व काट्छौं, साँझ धम्की आउँछ, त्यसैले सबै समानको राजश्व तिराउने कार्य गर्न गाह्रो छ ।”

भन्सार कार्यालय सुरक्षार्थ सशस्त्र प्रहरी बिहान १० बजेदेखि साँझ ६ बजेसम्म मात्रै बस्ने भएकाले अन्य समय शुरक्षा नहँुदा अप्ठेरो रहेको उहाँले बताउनुभयो ।

भन्सार कार्यालय भएर थोरै सामान आउने भए पनि खुला सिमानाका कारण चोर बाटोबाट बढी समान तस्करी हुने गरेको कार्यलय सहयोगीको भनाइ छ । भन्सार कार्यालयमा सुरक्षा बलियो भए राजश्व सङ्कलनमा वृद्धि हुने बताइएको छ ।

कञ्चनपुर भन्सार कार्यालयले हेर्दै आएको छोटी भन्सार कार्यालय गत वैशाखदेखि कैलाली भन्सार कार्यालयले हेर्ने जिम्मा लिएको छ । छोटी भन्सार कार्यलयसँग रहेको चार बिघा सात कट्टा १७ धुर जग्गासमेत अतिक्रमणको चपेटामा परेको छ ।

हेर्ने जिम्मा लिएको भन्सार कार्यालयले छोटी भन्सार कार्यालयबाट गत वैशाखदेखि भदौ महिनासम्म रु एक लाख ९० हजार सात सय २७ राजश्व मात्रै सङ्कलन गरेको छ ।

बेलौरी नगरपालिकाका नगर प्रमुख पोतिलाल चौधरीले वर्षमा यस क्षेत्र बाट मात्रै रु ९० करोड बढी राजश्व सङ्कलन हुने देखिए पनि भन्सार छलेर सामान भित्र्याउने भएकाले राज्यलाई निकै घाटा भएको बताउनुभयो ।

करोडौंको राजश्व छलिभइरहेकाले भन्सार नाकाको स्तरवृद्धि र भरपर्दो सुरक्षाका लागि पहल भइरहेको बताउनुभयो । छोटी भन्सार कार्यालय विसं २०२० मा स्थापना भएको हो ।

मदिरा बेचबिखन र सेवनमा निषेध

जिल्ला प्रशासन कार्यालयले दशैंँ अवधिभर मदिराको उत्पादन, ओसारपसार, बिक्रीवितरण सेवनमा पूर्ण रुपमा निषेध गर्ने निर्णय गरेको छ ।

आज प्रमुख जिल्ला अधिकारी तारानाथ अधिकारीको संयोजकत्वमा बसेको बैठकले मदिरा उत्पादनदेखि सेवन सम्मको कार्य निषेध गर्ने निर्णय गरेको हो । शान्ति सुरक्षालगायत जिल्लाको समग्र परिस्थितिलाई मध्यनजर गर्दै दशँैंको टीकाको दिनसम्म मदिराजन्य पदार्थको खरीद बिक्री र सेवनमा रोक लगाइने निर्णय गरिएको प्रमुख जिल्ला अधिकारीले बताउनुभयो ।

“शान्ति सुव्यवस्था कायम राख्नका लागि यो निर्णय गरेका छौं” उहाँले भन्नुभयो, “ तिहारको लक्ष्मी पूजा, गोवद्र्धन पूजा र भाइ टिकाको दिनसमेत मदिराको उत्पादन, ओसारपसार, बिक्रीवितरण सेवनमा पूर्ण रुपमा निषेध गर्ने निर्णय गरेको छ ।”

बैठकमा प्रमुख जिल्ला अधिकारी, सुरक्षा निकायका प्रमुख, नागरिक समाज, होटल व्यवसायी, जनप्रतिनिधि र नेपाल पत्रकार महासङ्घका जिल्ला अध्यक्ष लगायत सहभागिता थियो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan