Friday 16th of November | २०७५ कार्तिक ३० शुक्रबार

न्यूज अभियान
हरेक खबर विशेष खबर

अनलाइन ३७ मालपोत कार्यालयमा विस्तार

न्यूजअभियान | प्रकाशित मिति : २०७५ कार्तिक ५ सोमबार |
newsabhiyan

काठमाडौँ, ५ कात्तिक (रासस) ः भूमि व्यवस्था, सहकारी तथा गरीबी निवारण मन्त्रालयले जग्गाको कारोवारलाई व्यवस्थित बनाउन प्रयोगमा ल्याएको अनलाइन प्रणाली हाल काठमाडौँ उपत्यकालगायत ३७ मालपोत कार्यालयमा विस्तार गरिएको छ ।

यी कार्यालयमा प्रयोगमा ल्याइएको उक्त सेवाले देशभर हुने जग्गाजमीनको करीब ७० प्रतिशत कारोवार समेटेको छ । मन्त्रालयले दुई वर्षअगाडि शुरु गरेको यो प्रणालीले कारोवारलाई व्यवस्थित बनाउने र सम्बन्धित मालपोत कार्यालयका अभिलेखलाई वैज्ञानिकीकरण गर्ने हुँदा सर्वसाधारण लाभान्वित हुने निश्चित छ ।

मन्त्रालयका सचिव गोपीनाथ मैनालीले अनलाइन प्रणालीमा सम्बन्धित व्यक्तिको औँठा छाप व्यवस्थित गरिने हुँदा कीर्ते तथा जालसाजी हुने जोखिमबाट जग्गाधनी सुरक्षित हुने बताउनुभयो । अनलाइन कारोवार शुरु भएका कार्यालयमा विचौलियाको उपस्थितिलाई न्यूनीकरण गर्न सहयोग पुग्ने विश्वास लिइएको छ ।

अनलाइनमा व्यवस्थित गरिएका जग्गा सधैँका लागि सुरक्षित हुने हुँदा तमसुकका आधारमा सम्बन्धित व्यक्तिको विवरण प्रणालीमा दर्ता गर्ने गरिन्छ र त्यसलाई कार्यालयले प्रमाणीकरण गर्छ । जग्गा खरीद बिक्री गर्ने दुवै पक्षको फोटो, औँठाछाप कम्प्युटरमा व्यवस्थित गरिन्छ ।

यस प्रणालीमा व्यवस्थित गरिएका जमीनको खोजी गर्न तथा पुनः किनबेच गर्न परेमा छिटो र छरितो हुन्छ । एक सातापछि सुर्खेतस्थित कार्यालयमा पनि सो सेवा विस्तार गरिने मन्त्रालयले जनाएको छ । हाल देशभर १३१ मालपोत र नापी कार्यालय छन् । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan