Thursday 15th of November | २०७५ कार्तिक २९ बिहिबार

न्यूज अभियान
हरेक खबर विशेष खबर

आमाले रगत दिँदा छोरीको ज्यान बच्यो

न्यूजअभियान | प्रकाशित मिति : २०७५ कार्तिक ६ मंगलबार |
newsabhiyan

हुम्ला, ६ कात्तिक (रासस) ः आफ्नी छोरीलाई आमाले रगत दिएर जीवन बचाएको छ ।

सिमकोट गाउँपालिका बुराउसे–४ का ४२ वर्षीया सर्जङ्गमु लामाले आफ्नी १६ वर्षीया छोरी सोनाम लामु लामालाई आज जिल्ला अस्पतालमा रगत दिएर जीवन बचाएको अस्पतालका अनमी सरिता बोहराले बताउनुभयो ।

सोह्र वर्षीया लामाको शरीरमा चाहिनेभन्दा रगत कम भएको हुनाले एक पिन्ट अर्थात् ३५० मिलिलिटर रगत दिएको बोहराले बताउनुभयो ।

महिलाको शरीरमा कम्तीमा पनि रगतको अनुपात १४ देखि १८ हुनुपर्ने जिल्ला अस्पताल हुम्लाका अनमी बोहराको भनाइ छ । शरीरका लागि चाहिने अनुपातभन्दा कम रगत देखिएमा महिलाको ज्यान जाने खतरा हुने बोहराले जानकारी दिनुभयो । सोह्र वर्षीय लामाको शरीरमा रगतको अनुपात छ मात्र रहेको ल्याब टेक्निसियन सुनिता तामाङले बताउनुभयो ।

महिला खोप लगाउनसमेत डराउने गर्दछन् तर ४२ वर्षीया सर्जङ्गमुले भने आफ्नी छोरी बचाउनका लागि जिल्ला अस्पतालमा पुगेर रगत दिइ छोरीको ज्यान बचाएको जिल्ला अस्पतालका ल्याब टेक्निसियन तामाङको भनाई छ ।

आमा छोरीको रगतको ग्रुप ए पोजेटिभ भएको हुनाले अझै सहज भएको थियो । अहिले आमा र छोरीको स्वास्थ्य स्थिति सामान्य रहेको अस्पतालले जनाएको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan