Tuesday 20th of November | २०७५ मङ्सिर ४ मंगलबार

न्यूज अभियान
हरेक खबर विशेष खबर

ह्यारी भण्डारीले ईतिहास रच्दै मेरिल्याण्ड राज्य प्रतिनिधि सभा सदस्यमा बिजयी

न्यूजअभियान | प्रकाशित मिति : २०७५ कार्तिक २१ बुधबार |
newsabhiyan
newsabhiyan

विजय थापा, अमेरिका । मेरील्याण्ड राज्यको निर्वाचन क्षेत्र ८ बाट डेमोक्र्याटिक दलका तर्फबाट राज्य प्रतिनिधि सभा सदस्यमा ह्यारी भण्डारी बिजयी भएका छन् । भण्डारीले अमेरिका आएका नेपाली समुदायको ईतिहासमा सबैभन्दा पहिला मूलधारको राजनीतिमा मेरिल्याण्डको राज्य सभासदमा खाता खोल्न सफल भएका छन् ।

गत जुन २६ ,२०१८ मा भएको प्राथमिक चरणको निर्वाचनमा डेमोक्र्याटिक दलका तर्फबाट उनि दोश्रो स्थान हासिल गरि बिजयी बनेका थिए । आज सम्पन्न  भएको मध्यावधि निर्वाचनमा उनि दोश्रो स्थानमा आई बिजयी भएका छन् ।

गत जुन महिनामा सम्पन्न प्राथमिक चरणको निर्वाचनमा मैदानमा उत्रिएका ४ जना प्रतिस्प्रर्धिहरुमा एरिक ब्रोम्वेल पहिलो, भण्डारी दोश्रा र तेश्रो स्थानमा कार्लज्याक्स विजयी भएका थिए । उनलाई यस मध्यावधि निर्वाचनले ढोका खोलि दिएको छ ।

गत प्राथमिक निर्वाचनमा २० हजार ७ सय २६ खसेको मत मध्ये भण्डारीले २८.१ प्रतिसत अर्थात् ५ हजार ९ सय ४१ मत ल्याएर दोस्रो भएका थिए । उक्त चुनाव क्षेत्र जिल्ला ८ मा रिपब्लिकन दलका उम्मेदवारले पाएको मत हेर्ने हो भने डेमोक्र्याटिकक उम्मेदवारको तुलनामा प्राथमिक निर्वाचनमा कम मत पाएको आँकडाले देखाएको थियो ।

सम्भवत यसरी मूलुक बाहिर मूलधारको राजनीतिमा प्रवेश पाउने र सभासद बन्ने भण्डारी पहिला नेपाली मूलका हुन् । यस्तै गरि न्यूह्याम्पशायरबाट प्रतिनिधि सभाका लागि उम्मेदवारी दिएकी राज्य डेमोक्र्याटिक दलकि उम्मेदवार मदलसा गुरुंग पनि उप बिजेता बनेकी छिन् । २ हजार २ सय ९२ मत प्राप्त गरेकी थिइन् भने उनले बिजयी उम्मेदवारलाई बधाई पनि दिएकि छिन ।

भण्डारी सन् २०१४ मा चौथो स्थान भएपछि उनी प्राथमिक चरणमै बाहिरिएका थिए । उनि जुन स्थानमा सन् २०१४ मा उप बिजेता बनेका थिए सोही क्षेत्र बाट यस पटक पनि उम्मेदवार बनि सफलता हासिल गरेका छन् । सन् २०१४ मा डेमोक्र्याटिक दलको तर्फ बाट आधिकारिक उम्मेद्वार थिएनन भने यस पटक डेमोक्र्याटिक दलको तर्फबाट आधिकारिक उम्मेदवार रहेका थिए ।

भण्डारी अमेरिकी राज्य संसद भवन छिर्न सफल भएका छन् । निर्वाचन क्षेत्र संख्या ८ मा ह्यारीसँगै एरिक ब्रोमवेल र कार्ल ज्याक्शन पनि डेमोक्रेटिक पार्टीका  तर्फबाट भिडेका थिए । ह्यारी लगायतले रिपब्लिकन दलका  ३ जना उम्मेदवारहरु जो क्लस्टर, जोसेफ बोट्लर र कार्ल ज्याक्सनसँग सामना गरेका थिए ।

मेरिल्याण्ड राज्य अन्तर्गत रिपब्लिकन दलका गभर्नरका लागि सशक्त उम्मेदवार ल्यारी होगनलाई मत हाल्नेले रिपब्लिकन दललाई मत खसालेता पनि डेमो क्र्याटिक दलका उम्मेद्वार ह्यारीको जित भएको छ । भण्डारीले करिव १५ हजार घर दैलो अभियानमा सरिक भएका थिए ।

नेपालको पर्वत जिल्लाबाट सपनाको संसार अमेरिका सन् २००५ मा आएका हुन् । भण्डारी नेपालमा अंग्रेजी भाषामा प्राध्यापन गर्थे भने अमेरिकामा पनि भण्डारी प्राध्यापन पेशामा संलग्न छन् ।

मध्यावधी निर्वाचनमा हाउस अफ रिप्रिजेन्टेटीभ(प्रतिनिधि सभा सदस्य ) को सबै ४ सय ३५ स्थान ,सिनेटको १ सय स्थान मध्ये ३५ स्थान तथा अन्य ५० मध्ये ३९ राज्यका गर्भनरहरुको निर्वाचन भएको हो । यसको साथै राज्य देखि स्थानीय स्तरका विभिन्न पदको लागि निर्वाचन भएको थियो ।

भण्डारीलाई २०१८ को निर्वाचनमा अमेरिकाका विभिन्न राज्यमा बसोबास गर्ने नेपाली समुदायले ठूलो आर्थिक सहयोग गरेका थिए । आफ्नो चुनावी क्षेत्रमा अत्यन्तै व्यस्त रहेता पनि भण्डारीले अमेरिकाका नेपाली समुदायले विभिन्न राज्य तथा शहरहरुमा आयोजना गरेको भेलामा सहभागिता जनाएका थिए ।

भण्डारीले कुल खसेको मतको १७.६० प्रतिसत अर्थात् २० हजार ९ सय ७७ मत प्राप्त गरेका थिए । प्राथमिक चरणको निर्वाचनमा बिजयी भए झैँ प्रथम स्थान मै डेमोक्र्याटिक दल कै एरिक ब्रम्वेलले २१ हजार ३ सय ६३ मत प्राप्त ल्याई पुन: निर्वाचित भएका छन् । तर तेश्रो पदको लागि रिपब्लिकन दल दलका जोसेफ बोटलर १६.८५ अर्थात् २० हजार ८१ मत प्राप्त गरि बिजयी भएका छन् ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan