Saturday 17th of November | २०७५ मङ्सिर १ शनिबार

न्यूज अभियान
हरेक खबर विशेष खबर

'म ओलीको ठूलो फ्यान हुँ, उहाँपनि मेरो फ्यान'

न्यूजअभियान | प्रकाशित मिति : २०७५ कार्तिक २२ बिहिबार |
newsabhiyan

“श्रममन्त्री विष्टले मैलेभन्दापनि राम्रो काम गर्नुभयो”

काठमाडौं, २२ कात्तिक । नेपाली कांग्रेसका नेता एवम् पूर्वमन्त्री टेकबहादुर गुरुङले वर्तमान प्रधानमन्त्री केपी शर्मा ओली ठूलो फ्यान रहेको बताएका छन् । उनले भने,”उहाँ मेरो फ्यान हो । म पनि ओलीको फ्यान हुँ । अहिले ओली सरकारको विरोध गर्नुको कुनै औचित्य छैन् । कांग्रेसले पनि अहिले विरोध गर्नुहुँदैन् । यो सरकारलाई ५ वर्षसम्म ढुक्कले काम गर्न दिनुपर्छ ।”

 रिपोर्टर्स क्लब नेपालले आयोजना गरेको देउसी भैलो कार्यक्रमपछि पत्रकारहरुसँग संक्षिप्त कुरा गर्दै पूर्वमन्त्री गुरुङले यस्तो बताएका हुन् । प्रधानमन्त्री ओलीको प्रशंसामा समय खर्चिएका उनले भने,”ओलीजीसँग स्पष्ट भीजन छ ।

विकास र समृद्धिको खाका उहाँसँग छ । उहाँले रेल र पानीजहाज दुवै चलाउनुहुन्छ । उहाँले गरेको कामको म उच्च मुल्यांकन गर्छु । विकास र समृद्धितर्फ मुलुक अघि बढ्नुपर्छ । र, भ्रष्टाचार अन्त्य हुनुपर्छ । यसमा ओली सफल हुनुपर्छ ।”

त्यस्तै उनले वर्तमान श्रममन्त्री गोकर्ण विष्टले पनि राम्रो काम गरेको भन्दै प्रशंसा गरे । वैदेशिक रोजगारको क्षेत्रलाई मन्त्री विष्टले व्यवस्थित् गर्ने काम गरेको भन्दै उनले खुलेर प्रशंसा गरे । उनले भने-“मैले सुरु गरेका कतिपय कामहरु पूरा भएका थिएनन् । तर, उहाँले गरेर देखाउनुभयो । मैलेभन्दा राम्रो काम उहाँले गर्नुभयो ।”

कांग्रेस पार्टी अब एक भएर अघि बढ्ने उनले विश्वास दिलाए । “अब अनेकतापनि एकतामा परिणत हुन्छ । गुट उपगुट अन्त्य हुन्छ । सभापति देउवाजी र बरिष्ठ नेता पौडेलजीबीच अब कुरा मिल्छ । यसमा कुनै शंका छैन्”-उनले भने,”मुलुक समृद्धितर्फ अघि बढिरहेको छ । अब हाम्रो पार्टीले सशक्त प्रतिपक्षको भूमिका निर्वाह गर्छ ।”


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan