Wednesday 12th of December | २०७५ मङ्सिर २६ बुधबार

न्यूज अभियान
हरेक खबर विशेष खबर

मोरङमा रु १४ करोड बढी खर्च

न्यूजअभियान | प्रकाशित मिति : २०७५ मङ्सिर १९ बुधबार | (रासस)
newsabhiyan

विराटनगर, १९ मङ्सिर । मोरङमा चालु आर्थिक वर्षको पहिलो चौमासिकमा विभिन्न सडक योजनामा कूल रु १४ करोड ४० लाख ३२ हजार खर्च भएको सडक डिभिजन कार्यालय विराटनगरले जनाएको छ ।

कार्यालयका अनुसार बडङ्गा आमबारी उर्लाबारी सडकमा रु पाँच करोड १६ लाख ९८ हजार, रङ्गेली रोडको रामचोकबाट नहरको बाटो हँुदै सीमा सडकसम्मको बाटोमा रु एक करोड १६ लाख २३ हजार, तराई–मधेश सडक पूर्वाधार विशेष कार्यक्रममा रु छ करोड ३३ लाख २१ हजार, स्थानीय सडक पुल निर्माणमा रु ४५ लाख ८६ हजार, रणनीतिक सडक पुल निर्माण तथा पुल पुलेसामा रु २० लाख खर्च भएको छ ।

यस्तै, कोशी राजमार्गको तरहरा–भेडेटारमा रु १० लाख ३८ हजार, विराटनगर–सिङ्घीया–रङ्गेली–उर्लाबारी योजनामा रु १० लाख, कोशी राजमार्गको इटहरी–भेडेटार योजनामा रु एक लाख ३२ हजार, महेन्द्रराजमार्गको मावा–इटहरी–कोशी ब्यारेक योजनामा रु ५० लाख, घिनाघाट–विराटचोक सडकमा रु २० लाख, विराटनगर–रङ्गेली–उर्लाबारी सडकमा रु १६ लाख ७२ हजार र दुहवी–इनरुवा कप्तानगञ्ज सडकमा रु १० लाख खर्च भएको बताइएको छ ।

सोही अवधिमा डिभिजन कार्यालयले महेन्द्रराजमार्गको भन्टाबारी पुलमा रु २० लाख, कोशी कटानमा रु १० लाख, सेउती खोला पुलमा रु १० लाख र मोरङको धमना खोला पुलमा रु ४५ लाख ८५ हजार खर्च भएको कार्यालयका इञ्जिनीयर दुर्गा मण्डलले जानकारी दिनुभयो ।

यस्तै, डिभिजन कार्यालयबाटै रु आठ करोड ७४ लाख लागतमा २०७६ पुस मसान्त सम्ममा काम सम्पन्न गर्ने गरी गिताञ्जली कन्सट्रक्सनले लिएको सुनसरीको साहेवगञ्ज–सिमरिया सडकमा काम ३० प्रतिशत मात्र भएकोले कुनै पनि भुक्तानी नदिएको कार्यालयले बताएको छ ।

साथै, सुनसरीको साहेबगञ्जदेखि हनुमान इनरुवा सडकको २० किमी बाटो र कप्तानगञ्ज–जनताचोक लौकही सडक निर्माण गर्न रमणभूमि जयब्रदर्शले सडक निर्माण गर्न ठेक्का लिए पनि काम शुरु नभएकाले ठेकेदारलाई ताकेता भइरहेको जनाइएको छ ।

विकास निर्माणका कतिपय योजना क्रमागत रहेको र योजनामा प्रगति भएबमोजिम निर्माण कम्पनीलाई भुक्तानी दिँदै गएको इञ्जिनीयर मण्डलले जानकारी दिनुभयो । निर्माणमा गुणस्तरमा कुनै पनि सम्झौता नहुने र उपयुक्त देखिएमा मात्र भुक्तानी गर्न सिफारिस भइरहेको इञ्जिनीयर मण्डलको भनाइ छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan