Thursday 17th of August | २०७४ भदौ १ बिहिबार

न्यूज अभियान
हरेक खबर विशेष खबर

भूकम्प प्रभावितलाई आगामी बुधबारदेखि ट्याक्सी नम्बर प्लेट दिइने

न्यूजअभियान | प्रकाशित मिति : २०७४ असार ३ शनिबार
newsabhiyan

 भूकम्प प्रभावितलाई राहत स्वरुप उपलब्ध गराउन लागिएको ट्याक्सीको नम्बर प्लेट यही असार ७, ८ र ९ गते वितरण गरिने भएको छ । स्थानीय चुनावका कारण धेरैपटक वितरणको मिति सर्दै आएको थियो । अब भने मिति सर्ने सम्भावना नरहेको यातायात व्यवस्था विभागका महानिर्देशक रूपनारायण भट्टराईले जानकारी दिए ।

०७३ चैतमै दिने भनिएको ट्याक्सी नम्बर प्लेट यातायात व्यवस्था विभागले तयारी नपुगेको भन्दै वैशाखमा दिने भन्यो । वैशाखमा पहिलो चरणको चुनावले सारिएको ट्याक्सी वितरण पुनः रोकिएको थियो ।

असार ७, ८ र ९ गते दिने गरी सूचना प्रकाशनदेखि सबै तयारी गरिएको महानिर्देशक भट्टराईको भनाइ छ । “स्थानीय चुनावलगायत विभिन्न कारण रोकिएको ट्याक्सी नम्बर प्लेट वितरण प्रक्रिया अब भने तोकिएकै समयमा हुनेमा हामी विश्वस्त छौं,” उनले भने, “यसका लागि आवश्यक सबै तयारी तीव्र बनाइएको छ ।”

सरकारले ०७२ को भूकम्प प्रभावितका लागि नयाँ ट्याक्सी दर्ता गर्न आवेदन माग गरेको थियो । यातायात व्यवस्था कार्यालय बागमती साना÷ठूला सवारीले ०७३ साउन ५ गतेदेखि भदौ ५ गतेसम्म ट्याक्सी दर्ताका लागि आवेदन लिएको थियो ।

एक महिनाको अवधिमा भूकम्प प्रभावित जिल्लाका भूकम्पपीडित परिचयपत्र भएकाहरूले आवेदन दिन पाउने व्यवस्था गरिएको थियो । उक्त अवधिमा १ लाख ४९ हजार आवेदन कार्यालयमा पेस भएको थियो । विनाशकारी भूकम्पबाट अति प्रभावितहरूलाई राहत मिलोस र रोजगारीको वातावरण बनोस भनेर सरकारले गरेको निर्णयअनुसार १५ सय नयाँ ट्याक्सी दर्ता गर्न दिने निर्णय सरकारले गरेको थियो । 

१५ सय नयाँ ट्याक्सी २०७२ वैशाख १२ को विनाशकारी भूकम्पबाट अति प्रभाविग १४ जिल्लाका पीडितहरूले पाउने व्यवस्था सरकारले गरेको हो । १ लाख ४९ हजार आवेदकहरू मध्येबाट गोला प्रथा गरि ट्याक्सी नम्बर प्लेट वितरण गरिने छ । भूकम्पबाट अति प्रभावित १४ जिल्लाका प्रभावितलाई सरकारले गत वर्ष १५ सय ट्याक्सी नम्बर प्लेट दिने निर्णय गरेको थियो ।

उक्त आवेदनबाट सरकारले गोला प्रथा गरी १५ सय निवेदकलाई ट्याक्सी दर्ताका लागि नम्बर प्लेट दिनेछ । बागमती अञ्चलमा सरकारले खुल्ला गरेको बेलाबाहेक अरू समयमा ट्याक्सी दर्ता गर्न पाइँदैन । कारोबारबाट

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।

न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan