Sunday 19th of November | २०७४ मङ्सिर ३ आइतबार

न्यूज अभियान
हरेक खबर विशेष खबर

अमेरिकामा कलिवुड नाइटको विशेष प्रस्तुति, झरना नाचिन छमछम

न्यूजअभियान | प्रकाशित मिति : २०७४ असोज ३० सोमबार
newsabhiyan
newsabhiyan

विजय थापा, अमेरिका । नेपालका कलाकार सहितको कलिवुड नाइट २०१७ नामक कार्यक्रम अमेरिकामा सम्पन्न भएको छ ।

कार्यक्रमको प्रारम्भमा अमेरिमा जन्मेका किशोरीहरूको तिहारको भैलेनी गीत, मखमली चोली चाहिदैन सहितको धुनमा गरिएको नृत्य बेजोड रहेको थियो ।

नायक दिलिप रायमाझी र कलाकार सुनीक्षा मैनालीले कुटुमा कुटु सुपारी दाना बोलको गीतमा उत्कृष्ट प्रस्तुति दिएका थिए ।

नायिका झरना थापाले मलाई छम छम नाच्न मन लाग्यो भन्ने गीतमा पहिलो प्रस्तुति गरेकी थिइन् । दोश्रोमा उनले नायक जीवन लुइँटेललाई साथ दिइन् । झरनाले अमेरिकामा पहिलो पटक प्रस्तुति गरेकी हुन् ।

नायक जीवन लुइँटेलले नृत्य निर्देशक लुना श्रेष्ठसंग मेरो लाहुरे आउछ रे, म त मर्छु पो क्या हो ठूली भन्ने गीत गाउदा दर्शकले सिट्ठी बजाएका थिए ।

गायक दीपक लिम्बुले मैले माया गर्न जानिन होला र हेन्डसम हेन्डसम कान्छा दुई वटा गीत प्रस्तुत गरेका थिए ।

नायक राज बल्लव कोइरालाले कविता प्रस्तुत गरे भने कलाकार स्व.कृष्ण श्रेष्ठलाई सम्झना गर्दै केही कुरा राखेका थिए ।

हास्य कलाकार रतन सुबेदीको हवल्दारको प्रस्तुति र रातो भाले क्वायाक क्वायक सुत्केरीलाई ख्वाए गीतको प्रस्तुति दिएका थिए । कलाकार अमृत लामाले सुनीक्षा मैनालीसंग नृत्य प्रस्तुति गरेका थिए ।

हास्य कलाकार गोपाल नेपाल र पुस्कर पन्तको प्रहसन बिशेष रहेको थियो । युवा नृत्य निर्देशक नवीन केसी तथा लुना श्रेष्ठले मलाई थाहा छैन भन्ने गीतमा गरेको नृत्य प्रस्तुति बेजोडको रह्यो ।

कलाकार राजेश नाथ तथा अन्य केही स्थानीय कलाकारहरूले प्रस्तुति गरेका थिए । कलाकार मीनाक्षी बन्दना तथा संचारकर्मी परसु तिमिल्सिनाले कार्यक्रम संचालन गरेका थिए ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan