न्यूज अभियान
हरेक खबर विशेष खबर

काठमाडौं । नेपाल प्रहरीका महानिरीक्षक (आईजीपी) दानबहादुर कार्कीले बडादसैँका अवसरमा मंगलबार नक्सालस्थित नेपाल प्रहरी सशस्त्र प्रहरी गण नम्बर १ को मौलोमा पूजाअर्चना तथा संकल्प पूजा गर्नुभएको छ।

बडादसैँको धार्मिक तथा सांस्कृतिक परम्पराअनुसार आयोजित मौलो पूजामा आईजीपी कार्कीले विधिपूर्वक पूजाअर्चना गर्दै राष्ट्र, राष्ट्रियता र नागरिकको सुरक्षाका लागि संकल्प गर्नुभएको हो।

नेपाल प्रहरीमा मौलो पूजालाई विशेष महत्त्वका साथ लिने गरिन्छ। नेपाली सेना तथा सुरक्षा निकायमा समेत परम्परागत रूपमा गरिने मौलो पूजाले संगठनको गौरव, एकता, अनुशासन र जिम्मेवारीप्रतिको प्रतिबद्धता झल्काउने विश्वास गरिन्छ।

बडादसैँ नेपालीहरूको प्रमुख चाड हो। यस पर्वका अवसरमा देशभरका विभिन्न शक्तिपीठ तथा मन्दिरमा पूजाआजा गर्ने, मान्यजनबाट टीका–जमरा ग्रहण गर्ने र सुख, शान्ति, समृद्धि तथा सुस्वास्थ्यको कामना गर्ने परम्परा छ।