Thursday 19th of November | २०८३ मङ्सिर ३ बिहीबार

न्यूज अभियान
हरेक खबर विशेष खबर

एनपिएलः चितवन राइनोजद्वारा काठमाण्डु गोर्खाजविरुद्ध पहिले ब्याटिङ

न्यूजअभियान | प्रकाशित मिति : २०८३ मङ्सिर २ बुधबार |

काठमाडौँ, २ मङ्सिरः नेपाल प्रिमियर लिग (एनपिएल) क्रिकेटको तेस्रो संस्करणअन्तर्गत आज भइरहेको ‘एलिमिनेटर’ खेलमा चितवन राइनोजले काठमाण्डु गोर्खाजविरुद्ध टस जितेर पहिले ब्याटिङ गरिरहेको छ ।

    कीर्तिपुरस्थित त्रिभुवन अन्तरराष्ट्रिय क्रिकेट मैदानमा भएको टसमा चितवनका कप्तान रवि बोपाराले पहिले ब्याटिङ गर्ने निर्णय लिनुभएको हो ।

    आजको खेल जित्ने टोलीले क्वालिफायर–२ मा क्वालिफायर–१ मा पराजित भएको सुदूरपश्चिम रोयल्ससँग प्रतिस्पर्धा गर्नेछ । सुदूरपश्चिम मङ्गलबार भएको खेलमा लुम्बिनी लायन्ससँग चार विकेटले पराजित भएको थियो । आजको खेलमा हार्ने टोली भने प्रतियोगिताबाट बाहिरिनेछ ।

    लिग चरणमा काठमाण्डुले सातमध्ये चार खेल जित्दा तीन खेलमा हार व्यहोरेको थियो । चितवनले तीन खेल जितेको थियो भने तीन खेलमा पराजित भएको थियो । वर्षाका कारण एक खेलको नतिजा नआउँदा दुवै टोलीले अङ्क बाँडेका थिए ।

    यस संस्करणको लिग चरणमा भएको पहिलो भेटमा काठमाण्डुले चितवनलाई १० रनले पराजित गरेको थियो ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan