न्यूज अभियान
हरेक खबर विशेष खबर

काठमाडौं । नेपाल पत्रकार महासंघले प्रेस काउन्सिल ऐन, २०४८ लाई संशोधन गर्न बनेको अध्यादेश जारी नगर्न राष्ट्रपति रामचन्द्र पौडेलसमक्ष आग्रह गरेको छ।

महासंघका अध्यक्षसहित पदाधिकारी, सल्लाहकार तथा केन्द्रीय सदस्य सम्मिलित प्रतिनिधिमण्डलले २०८३ साल कात्तिक २० गते राष्ट्रपति पौडेलसँग भेट गरी प्रस्तावित अध्यादेशका प्रावधानप्रति गम्भीर ध्यानाकर्षण गराएको हो।

भेटका क्रममा महासंघले अध्यादेशमा समावेश गरिएका व्यवस्थाले प्रेस तथा अभिव्यक्ति स्वतन्त्रतामा पार्न सक्ने प्रभावबारे राष्ट्रपतिलाई अवगत गराउँदै त्यसलाई जारी नगर्न आग्रह गरेको जनाएको छ।

प्रेस स्वतन्त्रता, अभिव्यक्ति स्वतन्त्रता र लोकतान्त्रिक मूल्य–मान्यताको संरक्षणका दृष्टिले प्रस्तावित अध्यादेशका प्रावधान पुनर्विचार गर्नुपर्ने महासंघको माग रहेको छ।