न्यूज अभियान
हरेक खबर विशेष खबर

काठमाडौं । सार्वजनिक स्थानमा नेपाली मौलिक कला, संस्कृति, सामाजिक शिष्टाचार तथा नैतिकताविपरीत हुने गरी अश्लील नृत्य प्रदर्शन गरेको आरोपमा प्रहरीले दुई महिलालाई पक्राउ गरेको छ।

पक्राउ पर्नेमा रुपन्देहीको देवदह नगरपालिका–७ की ३० वर्षीया चाहना थापा र सर्लाहीको हरिवन नगरपालिका–३ की २१ वर्षीया प्राप्ती बस्नेत रहेका छन्।

उनीहरूले रुपन्देहीका विभिन्न स्थानमा आयोजित देउसी–भैलो कार्यक्रममा अश्लील नृत्य प्रदर्शन गरेको आरोप छ।

जिल्ला प्रहरी कार्यालय रुपन्देहीका डीएसपी कृष्णकुमार चन्दका अनुसार उनीहरूलाई बुधबार राति करिब १२:०५ बजे लुम्बिनी सांस्कृतिक नगरपालिका–१०, महिलवार बजारबाट पक्राउ गरिएको हो।

नेपाली मौलिक संस्कृति र सामाजिक मर्यादाको संरक्षण सबैको साझा जिम्मेवारी हो।

देउसी–भैलोजस्तो सांस्कृतिक पर्वको नाममा हुने अमर्यादित गतिविधिमाथि कानुनबमोजिम निष्पक्ष अनुसन्धान र आवश्यक कारबाही हुनुपर्छ।