न्यूज अभियान
हरेक खबर विशेष खबर

गोरखा, ७ भदौः गोरखामा बारी जोत्ने ट्याक्टरले चेपेर चालकको मृत्यु भएको छ । सिरानचोक गाउँपालिका–४ माझगाउँवेशीमा ग १ त ७५४८ नम्बरको ट्याक्टरले चेपेर आज चालक चितवनका ४५ वर्षीय मोहनबहादुर बोहराको मृत्यु भएको हो ।

दुर्घटनामा घाइते भएका बोहोराको उपचारका क्रममा मृत्यु भएको जिल्ला प्रहरी कार्यालय गोरखाका प्रहरी नायब उपरीक्षक राजकुमार श्रेष्ठले बताउनुभयो । स्थानीय हरि पोखरेलको बारी जोतेर निस्कदा आफैँले चलाएको ट्याक्टरले च्यापिएर उनी गम्भीर घाइते भएका थिए । 

घाइते बोहराको प्रदेश अस्पताल गोरखामा उपचार हुन नसकेपछि थप उपचारका लागि नेशनल सिटी अस्पताल चितवन लगिएको थियो । त्यहीँ उनको उपचारका क्रममा मृत्यु भएको प्रहरीले जनाएको छ ।