लागुऔषधसहित नौ जना पक्राउ
न्यूजअभियान | प्रकाशित मिति : २०८३ असोज २१ बुधबार |
काठमाडौँ, २१ असोजः नियमित गस्तीमा रहेको प्रहरी टोलीले देशका विभिन्न भागबाट लागुऔषधसहित नौ जनालाई पक्राउ गरेको छ ।
केन्द्रीय प्रहरी समाचार कक्षका अनुसार काठमाडौँको गोकर्णेश्वर नगरपालिका–५ जोरपाटी दुई, कञ्चनपुरको भीमदत्त नगरपालिका–४ बाट दुई, मोरङको विराटनगर महानगरपालिका–१८ रेल्वेबाट दुई र विराटनगर महानगरपालिका–११ बाट तीन जना पक्राउ परेका छन् ।
प्रहरीले उनीहरूको साथबाट लागुऔषध खैरो हेरोइन र गाँजा तथा चिकित्सकको सिफारिसमा मात्र खरिद गर्न पाइने नाइट्राभेट बरामद गरेको छ ।
