न्यूज अभियान
हरेक खबर विशेष खबर

गोरखा । गोरखाको चुमनुब्री गाउँपालिका–६ मा उग्युलुङ खोला थुनिएर अचानक बाढी आएपछि बुढीगण्डकी नदीको बहाव अत्यधिक बढेको छ।

आइतबार बिहान करिब ४ बजेदेखि उग्युलुङ र स्यार खोलामा ठूलो आवाज सुनिएपछि स्थानीय बासिन्दा तथा पर्यटक सुरक्षित स्थानतर्फ भागेका छन्। चुमनुब्री गाउँपालिका–६ र ७ भएर बग्ने यी खोलामा ठूलो आवाजसहित पानी बगेको स्थानीयले बताएका छन्।

खोला थुनिएपछि अचानक आएको बाढीले बुढीगण्डकी नदीको जलस्तर बढाएको हो। घटनापछि नदी आसपासका क्षेत्रमा जोखिम बढ्न सक्ने भएकाले स्थानीयलाई सतर्क रहन आवश्यक देखिएको छ।

 बाढी पास नहुंदा सम्म त्रिशूली दोभान सम्म नदी छेउछाउ नजाऔं। उच्च स्थानमा वसौं।
बाढी पूर्वानुमान महाशाखाको अनुरोध छ ।

बाढीको अवस्था, सम्भावित क्षति र थप विवरणबारे भने विस्तृत जानकारी आउन बाँकी छ।