Saturday 21st of November | २०८३ मङ्सिर ५ शनिबार

न्यूज अभियान
हरेक खबर विशेष खबर

युवालाई उद्यमशीलता र रोजगारीमा जोडिन ओलीको आग्रह

न्यूजअभियान | प्रकाशित मिति : २०८३ मङ्सिर ५ शनिबार | (रासस)

काठमाडौँ, ५ मङ्सिरः नेपाल कम्युनिष्ट पार्टी (एमाले) का अध्यक्ष केपी शर्मा ओलीले युवालाई उद्यमशीलता र रोजगारीका अवसर सिर्जना गर्दै मुलुकको विकासमा योगदान गर्न आग्रह गर्नुभएको छ ।

    नेकपा (एमाले) ले गठन गरेको नेसनल भोलिन्टियर फोर्सको प्रथम स्थापना दिवसका अवसरमा आज यहाँ आयोजित कार्यक्रममा उहाँले युवालाई राजनीतिसँगै उत्पादन र उद्यमशीलताका क्षेत्रमा सक्रिय हुन आग्रह गर्नुभएको हो ।

    पूर्वप्रधानमन्त्री ओलीले कृषि, सूचना प्रविधि र साना उद्योगलगायत क्षेत्रमा उद्यमशीलता विकास गरी स्वरोजगार बन्न युवालाई सुझाव दिनुभयो । युवा उमेर सिक्ने, ज्ञान हासिल गर्ने र काम गर्ने समय भएकाले सीप विकास गरी आम्दानीको स्रोत खोज्नुपर्ने उहाँको भनाइ थियो ।

    कार्यक्रममा एमाले सचिव महेश बस्नेतले एमाले नेतृत्वको सरकारले विकासका क्षेत्रमा गरेका कामबारे जनतालाई जानकारी गराउनुपर्ने बताउनुभयो । नेसनल भोलिन्टियर फोर्सका अध्यक्ष पुष्पराज श्रेष्ठले संविधान र लोकतन्त्रको रक्षा, राष्ट्रिय एकताको संरक्षण तथा सामाजिक न्याय, समानता र समावेशिताका पक्षमा फोर्स प्रतिबद्ध रहेको बताउनुभयो ।
 

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan