न्यूज अभियान
हरेक खबर विशेष खबर

काठमाडौं । साउन २८ गते । दशौं राष्ट्रिय खेलकुद २०८३ साल मंसिर १६ देखि २९ गतेसम्म सुर्खेतमा आयोजना गर्ने राष्ट्रिय खेलकुद परिषद् (राखेप) को १२५औ बोर्ड बैठकले बिहीबार निर्णय गरेको छ ।

राखेपका अध्यक्ष शिक्षा तथा खेलकुद मन्त्री सस्मित पोखरेलको अध्यक्षातमा बसेको परिषद्को बोर्ड बैठकले प्रथम राष्ट्रिय पारा खेलकुद पुस १५ गतेदेखि सन्चालन गर्ने पनि निर्णय गरेको छ । यस्तै २०औं एशियाली खेलकुदमा सहभागी हुने खेलाडी तथा अफिसियलको नामावली अनुमोदन गरेको छ ।

बैठकलाई सम्बोधन गर्नु हुँदै मन्त्री पोखरेलले दशौं राष्ट्रिय खेलकुद सफल बनाउन सम्पूर्ण पक्ष एकताबद्ध भई  लाग्न अनुरोध गर्नु भएको छ । 

बैठकमा शिक्षा तथा खेलकुद मन्त्रालयका सचिव चुडामणी पौडेल परिषद्का उपाध्यक्ष बिशाल श्रेष्ठलगायत प्रदेश खेलकुद परिषद्का सदस्य–सचिवहरु सहित परिषद्का बोर्ड सदस्यहरुको उपस्थिति थियो । बैठकमा राखेपका सदस्य–सचिव रामचरित्र मेहताले बिषय बस्तु प्रस्तुत गर्नु भएको थियो ।