सेती नदीमा टिपर खस्दा चालक बेपत्ता
न्यूजअभियान | प्रकाशित मिति : २०८३ भदौ ७ आइतबार |
दमौली (तनहुँ), ६ भदौः तनहुँको ऋषिङ गाउँपालिका–१ बेतेनीस्थित सेती नदीमा आज टिपर खस्दा चालक बेपत्ता भएका छन् ।
तनहुँ जलविद्युत् आयोजनाको प्याकेज एकको निर्माण कम्पनी कालिका हाइड्रोपावरको ना १ क ७२४७ नम्बरको टिप्पर सेती नदीमा खसेको हो । चालकको खोजतलास भइरहेको जिल्ला प्रहरी कार्यालयका प्रहरी नायब उपरीक्षक द्वारिकाप्रसाद घिमिरेले जानकारी दिनुभयो । उहाँका अनुसार नेपाली सेना र नेपाल प्रहरीको सहयोगमा सेती नदीमा टिपर चालकको खोजीकार्य भइरहेको छ ।
