न्यूज अभियान
हरेक खबर विशेष खबर

काठमाडौं, २९ साउन ।  मुख्य सचिव गोविन्दबहादुर कार्की र प्रधानसेनापति अशोकराज सिग्देलबीच शुक्रबार सिंहदरबारमा भेटवार्ता भएको छ।

प्रधानसेनापति सिग्देल शुक्रबार सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेर मुख्य सचिव कार्कीसँग भेटवार्ता गरेका हुन्। भेटवार्ता करिब १५ मिनेट भएको बताइएको छ।

भेटका क्रममा समसामयिक विषय तथा राज्यका प्रशासनिक र सुरक्षा संयन्त्रबीचको समन्वयका विषयमा छलफल भएको बुझिएको छ।

यद्यपि, भेटवार्तामा उठेका विषयबारे दुवै पक्षबाट विस्तृत जानकारी सार्वजनिक गरिएको छैन।

मुख्य सचिव र प्रधानसेनापतिबीचको भेटलाई प्रशासनिक नेतृत्व र सुरक्षा निकायबीचको नियमित समन्वयका रूपमा हेरिएको छ।

पछिल्लो समय मुलुकको समग्र सुरक्षा अवस्था, प्रशासनिक व्यवस्थापन तथा राज्यका विभिन्न निकायबीच प्रभावकारी समन्वय आवश्यक भइरहेका बेला भएको यो भेटलाई अर्थपूर्ण रूपमा समेत हेरिएको छ।

प्रधानसेनापति सिग्देलको सिंहदरबारस्थित प्रधानमन्त्री कार्यालय आगमन र मुख्य सचिवसँग भएको संक्षिप्त भेटवार्ताले सरकार र सुरक्षा नेतृत्वबीच समसामयिक विषयमा निरन्तर संवाद भइरहेको संकेत गरेको छ।

भेटवार्तामा विशेष कुनै निर्णय वा सहमति भएको हो वा होइन भन्नेबारे भने औपचारिक रूपमा केही सार्वजनिक गरिएको छैन।