न्यूज अभियान
हरेक खबर विशेष खबर

मगर संघ यूकेको आयोजनामा बेलायतस्थित मेडेनहेडमा आयोजित प्रथम शहिद लखन थापा मगर मेमोरियल गल्फ टुर्नामेन्ट २०२६ को उपाधि वेस्ट लन्डन गोर्खा गल्फ सोसाइटीले जितेको छ । बर्ड हिल्स गल्फ सेन्टरमा भएको प्रतिस्पर्धामा इन्टेक ९६ उपविजेता बनेको छ । 

१३८ जना व्यक्तिगत खेलाडी र २२ वटा टिमको उत्साहजनक सहभागिता रहेको उक्त प्रतियोगिताले बेलायतस्थित नेपाली समुदायमा खेलकुद, एकता, मित्रता र आपसी सद्भावलाई थप सुदृढ बनाएको आयोजकले जनाएको छ ।

प्रतियोगिताको टिम विधामा विजेता बनेको वेस्ट लन्डन गोर्खा गल्फ सोसाइटीले प्रतिष्ठित लखन थापा मगर शिल्डसहित ५०० पाउन्ड नगद पुरस्कार प्राप्त ग¥यो भने उपविजेता इन्टेक ९६ ले ट्रफीसहित २५० पाउन्ड हात पा¥यो ।

व्यक्तिगत स्पर्धाको ग्रसतर्फ गजेन्द्र गुरुङ विजेता र संजीव राई उपविजेता बने ।  यस्तै, नेट विधातर्फ सोम थुलुङ विजेता तथा क्याप्टेन तम ढेगा उपविजेता घोषित भए । 

दुवै विधाका विजेताहरूले जनही २५० पाउन्ड नगद पुरस्कार प्राप्त गरेका छन् । ५५ वर्षमाथिको उमेरसमूहमा नारायण गुरुङ प्रथम र चीन थापा एमभीओ दोस्रो भए ।

नोभल्टी विधातर्फ एनटीपी पुरष्कार प्रकाश गुरुङ, एनटीपी थर्ड रमेश राई, सिनियर्सतर्फको लङ्गेस्ट ड्राइभ (एलडी) प्रदीप राई तथा ओपनतर्फ वरेन लिम्बुले जितेका छन् । 

प्रतियोगिताका पुरस्कारहरू मगर संघ यूके, क्याप्टेन तामबहादुर ढेंगा र ए स्टार फाइनान्सियल सलुशन्स युकेले प्रायोजन गरेका थिए । सहकार्य गर्न पाएकोमा खुसी व्यक्त गर्दै ए स्टार फाइनान्सियल सलुशन्सले सफल आयोजनाका लागि संघलाई बधाई दिएको छ ।

खेलपश्चात् अल्डरशटस्थित ठमेल रेस्टुरेन्टमा पुरस्कार वितरण तथा रात्रिभोज आयोजना गरिएको थियो । 

मगर संघ यूकेका अध्यक्ष लालबहादुर पुन (लालु) को अध्यक्षतामा सम्पन्न उक्त समारोहमा कार्यक्रम संयोजक क्याप्टेन तामबहादुर ढेंगाले स्वागत र देव राना मगरले कार्यक्रम सञ्चालन गरेका थिए । 

सो अवसरमा नेपालबाट आएका कलाकारहरू निता थापा मगर, सरिश्मा राम्जाली मगर, बिमला घर्ती मगर र कामना ओलीसहितका स्रष्टाले सांस्कृतिक प्रस्तुति दिएका थिए । अध्यक्ष पुनले खेलाडीहरूको व्यापक सहभागिताले प्रतियोगितालाई प्रतिस्पर्धी बनाएको भन्दै सबै सहयोगी, प्रायोजक र सदस्यहरूप्रति आभार व्यक्त गरे ।