न्यूज अभियान
हरेक खबर विशेष खबर

पूर्वी जर्मनीका एक बाल रोग विशेषज्ञमाथि एक दशकभन्दा बढी समयदेखि ७० भन्दा बढी बालबालिकामाथि यौन दुर्व्यवहार गरेको आरोपमा सोमबार मुद्दा चलाइएको जर्मनीले सोमबार जनाएको छ। 

सन् २०१३ देखि सन् २०२५ सम्म पूर्वी जर्मनीका नौएन र राथेनो शहरका क्लिनिकहरूमा काम गर्दा बालबालिकामाथि दुर्व्यवहार गरेको आरो ४६ वर्षीय उक्त चिकित्सकमाथि १३० भन्दा बढी आपराधिक मुद्दा दर्ता गरिएको छ । करिब एक वर्षअघि एक बालककी आमाले शङ्कास्पद दुर्व्यवहारको रिपोर्ट दिएपछि ती चिकित्सकलाई पक्राउ गरिएको थियो । 

अभियोजकहरूका अनुसार चिकित्सकका इलेक्ट्रोनिक उपकरणहरूको खोजी गर्दा थप अपराधका दृश्य प्रमाण भेटिएका थिए । पक्राउ भएदेखि ती चिकित्सकलाई पूर्व–परीक्षण हिरासतमा लिइएको छ । बर्लिन नजिकै पूर्वी जर्मनीको पोट्सडाम शहरमा चलाइएको यो मुद्दा डिसेम्बरसम्म चल्ने अपेक्षा गरिएको छ ।