Saturday 21st of November | २०८३ मङ्सिर ५ शनिबार

न्यूज अभियान
हरेक खबर विशेष खबर

हुम्लाको खडिखेतमा झोलुङ्गे पुल निर्माणका लागि प्रक्रिया अघि बढ्यो

न्यूजअभियान | प्रकाशित मिति : २०८३ मङ्सिर ४ शुक्रबार | (रासस)

हुम्ला, ४ मङ्सिरः हुम्लाको सर्केगाड गाउँपालिका–२ र ६ को बीचमा पर्ने खडिखेतमा झोलुङ्गे पुल निर्माण प्रक्रिया अघि बढेको छ ।

    पुल नहुँदा लामो समयदेखि तुइनको जोखिमपूर्ण यात्रा गर्न बाध्य रिपगाउँवासीको समस्यालाई ध्यानमा राख्दै पोखरास्थित काँदुरी संस्थाले पुल निर्माणको प्रक्रिया अघि बढाएको हो । पुल निर्माणका लागि आवश्यक अध्ययन तथा प्रारम्भिक प्रक्रिया अघि बढाउन संस्थाको आठ सदस्यीय प्राविधिक टोली भोलि खडिखेत पुग्ने गाउँपालिका–२ का वडाध्यक्ष सिद्ध कार्कीले जानकारी दिनुभयो ।

    हाल खडिखेतमा पुल नहुँदा स्थानीयवासी तुइनको सहायताले नदी वारपार गर्न बाध्य छन् । यसबाट विशेषगरी बालबालिका, गर्भवती, ज्येष्ठ नागरिक र बिरामीलाई आवतजावतमा कठिनाइ हुँदै आएको छ । तुइनबाट सामान ओसारपसार गर्दा लाखौँ मूल्यका सामग्री नदीमा खस्ने गरेको स्थानीयको भनाइ छ ।

    वडा नं २ र ६ बीचको विवाद तथा असमझदारीका कारण यसअघि पुल निर्माण हुन सकेको थिएन । पछिल्लो समय दुवै वडाका जनप्रतिनिधि र स्थानीयवासीबीच सहमति जुटेपछि निर्माण प्रक्रिया अघि बढेको वडाध्यक्ष कार्कीले बताउनुभयो ।

    पुल निर्माण भएपछि रिपगाउँवासीलाई गाउँपालिका केन्द्र सर्केगाड र सदरमुकाम सिमकोट आवतजावत गर्न सहज हुने अपेक्षा गरिएको छ । यसबाट शिक्षा, स्वास्थ्य, व्यापार तथा दैनिक कामकाजका लागि जोखिमपूर्ण तुइन यात्रा गर्नुपर्ने बाध्यता हट्ने स्थानीयको विश्वास छ ।
 

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan