१२ थान एकनाले भरूवा बन्दुक बरामद
न्यूजअभियान | प्रकाशित मिति : २०८३ भदौ ७ आइतबार |
काठमाडौं : सल्यान, बनगाड कुपिण्डे नगरपालिका-१२ स्थित भदाले सामुदायिक वनको ओडारबाट एकनाले भरूवा बन्दुक ७ थान शनिबार साँझ प्रहरीले बरामद गरेको छ ।
जिल्ला प्रहरी कार्यालय सल्यानबाट खटिएको प्रहरीले उक्त बन्दुकहरू फेला पारी बरामद गरेको हो ।
गोरखा, आरूघाट गाउँपालिका-६ चिहानडाँडास्थित जंगलबाट एकनाले भरूवा बन्दुक ५ थान शनिबार दिउँसो प्रहरीले बरामद गरेको छ ।
इलाका प्रहरी कार्यालय आरूघाटबाट खटिएको प्रहरीले उक्त बन्दुकहरू फेला पारी बरामद गरेको हो ।
