रसुवा विपद् उद्धारमा सबै एकजुट हौँः अध्यक्ष राई
न्यूजअभियान | प्रकाशित मिति : २०८३ भदौ १० बुधबार | (रासस)
काठमाडौँ, १० भदौः श्रम संस्कृति पार्टीका अध्यक्ष हर्कराज राईले रसुवामा गएको बाढीका कारण विपद्का पीडितलाई तत्काल राहत र उद्धार गर्न एक जुट्नु हुनुपर्ने बताउनुभएको छ ।
प्रतिनिधिसभाको आजको बैठकमा सांसद राईले यो विपद्बाट गहिरो पाठ सिक्दै राष्ट्रिय सङ्कटको रूपमा लिनुपर्ने धारणा राख्नुभयो ।
उहाँले सबै राजनीतिक दलले मिलेर राहत उद्धारमा सक्रिय हुनुपर्ने सुनाउनुभयो । उहाँले भन्नुभयो, “विपद्बाट जोगिन ‘प्रोएक्टिभ’ योजना बनाउनुपर्छ ।
विपद्का बेलामा चाहिले हेलिकप्टर, सामग्री, विपद् व्यवस्थापनसँग जुध्न सक्ने उपकरण र जनशक्ति तयार पार्नुपर्छ ।”
त्यस्तै, विपद्को सूचना संयन्त्रलाई प्रभावकारी बनाउन पनि सरकारसमक्ष आग्रह गर्नुभयो ।
