न्यूज अभियान
हरेक खबर विशेष खबर

चितवन । पृथ्वीराजमार्गअन्तर्गत चितवनको इच्छाकामना गाउँपालिका–५, सिमलधारामा सडक माथिबाट रूखसहितको सुख्खा पहिरो खसेपछि नारायणगढ–काठमाडौं आवतजावत पूर्णरुपमा बन्द भएको छ ।

आज पहिरो खस्दा सडकको दुवैतर्फको यातायात अवरुद्ध भएको हो । पहिरो पन्छाएर सडक सञ्चालन गर्न कम्तीमा ६/७ घण्टा समय लाग्ने अनुमान गरिएको छ ।
यात्रुको सुरक्षालाई ध्यानमा राख्दै अर्को सूचना जारी नभएसम्म नारायणगढबाट काठमाडौं जाने तथा काठमाडौंबाट नारायणगढ आउने सबै प्रकारका सवारीसाधन सञ्चालनमा रोक लगाइएको सम्बन्धित निकायले जनाएको छ ।

पहिरो पन्छाएर सडक खुलाउन सडक विभागसँग समेत समन्वय भइरहेको जनाइएको छ । सडक पूर्णरुपमा सञ्चालनमा नआएसम्म यात्रु तथा चालकलाई वैकल्पिक व्यवस्था गर्न आग्रह गरिएको छ ।